Fyndnustu konur í Hollywood búa til bíómynd

Maya Rudolph hefur gengist til liðs við Tinu Fey og Amy Poehler í nýjustu kvikmynd grínistanna, The Nest.

Poehler og Fey leika í myndinni systur sem talast ekki við. Þær þurfa hinsvegar að snúa aftur heim á æskuslóðir sínar því að foreldrar þeirra hyggjast selja húsið sem þær ólust upp í.

Rudolph kemur til með að leika æskuvinkonu systranna.

Fey, Poehler og Rudolph léku saman í Saturday Night Live á árunum 2001 til 2006, en þetta verður í fyrsta sinn sem þríeykið leikur saman í bíómynd.

Fey og Poehler verða einnig framleiðendur myndarinnar. Jason Moore kemur til með að leikstýra handritinu, sem er eftir Paulu Pell, einn handritshöfunda SNL.

James Brolin leikur föður stúlknanna.