Emil kaupir hlut Einars í Serrano á Íslandi

Breytingar hafa orðið á eignarhaldi Serrano Ísland ehf., en annar aðaleiganda fyrirtækisins, Einar Örn Einarsson, hefur selt hinum aðaleiganda þess, Emil Helga Lárussyni, hlut sinn í fyrirtækinu.

Emil Helgi er því orðinn 100% eigandi fyrirtækisins hér á landi. Áfram munu þeir munu eiga saman átta veitingastaði Serrano í Svíðþjóð og NAM veitingastaðina hér á landi. Kaupverðið er trúnaðarmál. Emil segir í samtali við fréttastofu að Einar muni nú einbeita sér enn frekar að rekstri Serrano í Svíþjóð.

„Það hefur verið ótrúlega skemmtilegt að byggja upp Serrano síðustu 12 ár. Frá árinu 2009 hefur Emil verið framkvæmdastjóri fyrirtækisins og séð nær alfarið um veitingastaðina og því taldi ég þetta góðan tímapunkt til að stíga til hliðar. Fyrirtækið gæti ekki verið í betri höndum,“ segir Einar Örn.

„Það hefur aldrei borið skugga á okkar samvinnu og vináttu og við höldum okkar góða samstarfi áfram þó með öðrum hætti verði. Það er náttúrulega eftirsjá í Einari Erni en að sama skapi spennandi tímar framundan,“ segir Emil Helgi.

Samstarf þeirra tveggja heldur þó áfram enda munu þeir áfram eiga Nam veitingastaðina á Íslandi, Zócalo veitingastaðina í Svíþjóð og Einar Örn mun áfram sitja í stjórn Serrano Ísland.

Emil kaupir rekstur af Einari, Serr íslandi. Þeir munu áfram eiga saman átta veitingastaði Serrano í Svíðþjóð og NAM veitingastaðina hér á landi. Kaupverðið er trúnaðarmál. Emil segir í samtali við fréttastofu að Einar muni nú einbeita sér enn frekar að rekstri Serrano í Svíþjóð.