Verg landsframleiðsla á íbúa 16% yfir meðaltali ESB ríkjanna

Magn vergrar landsframleiðslu á íbúa á Íslandi 16% yfir meðaltali Evrópusambandsríkjanna 28 (ESB28) árið 2013. Í samanburði 37 Evrópuríkja (ESB28 auk Íslands, Noregs, Sviss. Tyrklands, Svartfjallalands, Serbíu, Bosníu-Hersegóvínu, Albaníu og Makedóníu) var Ísland 11. í röðinni yfir verga landsframleiðslu á íbúa sama ár. Þetta kemur fram á vef Hagstofunnar.

Magn raunverulegrar einkaneyslu á mann á Íslandi var 13% yfir meðaltali ESB28 samkvæmt fyrstu bráðabirgðaniðurstöðum fyrir árið 2013. Þar var Ísland 11. í röð landanna 37 en Noregur var í fyrsta sæti.

Verðlag einkaneyslu á Íslandi var 12% yfir meðaltali ESB28 og 11. hæsta af löndunum 37. Verðlag einkaneyslu í löndunum 37 var hæst í Sviss, 56% yfir meðaltali ESB28 og Noregi þar sem það var 55% yfir meðaltali ESB28.