Stelpurnar töpuðu úrslitaleiknum

Íslenska kvennalandsliðið í körfubolta tapaði 87-81 fyrir Austurríki í úrslitaleik Evrópukeppni smáþjóða í körfuknattleik í kvöld.

Austurríki átti titil að verja en Ísland byrjaði betur í leiknum. Austurríki náði þó naumri forystu fyrir lok fyrsta leikhluta 24-22.

Austurríki var þremur stigum yfir í hálfleik 45-42 og hafði frumkvæðið í leiknum í seinni hálfleik og þrátt fyrir mikla baráttu íslenska liðsins hafði Austurríki betur að lokum.

Helena Sverrisdóttir var stigahæst í íslenska liðinu með 18 stig.