Ert þú að bera á þig skaðleg eiturefni á hverjum degi?

Mikil vitundarvakning hefur orðið á síðustu árum um skaðsemi eiturefna í snyrtivörum. Enn er þó meirihluti snyrtivara sem við notum í daglegu lífi fullar af skaðlegum efnum og það getur reynst erfitt að átta sig á hvað er í lagi og hvað ekki, skaðlegu innihaldsefnin eru mörg og fæstir þekkja heiti þeirra.

Heather White sem starfar fyrir the Enviromental Working Group fjallar mjög ítarlega um skaðsemi eiturefna í vinsælum snyrtivörum og afleiðingar þess að nota þessar vörur daglega í þessu fróðlega myndbandi sem birtist á vefsíðunni mindbodygreen.

Fyrir þá sem vilja vita enn meira um málefnið og komast að því hvað við erum í raun og veru að bera á okkur bendum við á vefsíðuna skindeep. Þar er hægt að fletta upp rúmlega 69.000 mismunandi snyrtivörum og fá nákvæmar innihaldslýsingar og upplýsingar um skaðsemi þeirra.