Píratar hafa óskað eftir því að stjórnskipunar- og eftirlitsnefnd komi saman í kjölfar fjölmiðlaumfjöllunar um meintar ástæður brotthvarfs Stefáns Eiríksonar úr starfi lögreglustjóra höfuðborgarsvæðisins.
Helgi Hrafn Gunnlaugsson, þingmaður Pírata, sendi nefndinni bréf í dag. Í því óskar hann eftir því að nefndin leiti svara við því hvort Hanna Birna Kristjánsdóttir, innanríkisráðherra, „hafi beitt opinbera starfsmenn á sviði lögreglu og ákæruvalds þrýstingi eða haft óeðlileg afskipti af störfum lögreglunnar.“
Þá vísar hann til lögreglurannsóknar sem beinst hafi að ráðuneytinu og starfsmönnum þess vegna lekamálsins.
„Ég óska eftir að Hanna Birna Kristjánsdóttir, innanríkisráðherra, Stefán Eiríksson, fráfarandi lögreglustjóri og Sigríður Friðjónsdóttir, ríkissaksóknari, verði kölluð fyrir nefndina til að svara spurningum nefndarmanna um málið,“ segir Helgi Hrafn í bréfinu.
Píratar vilja fund um lekamálið

Tengdar fréttir

Stefán vill ekki tjá sig um hvort hann hafi orðið fyrir þrýstingi
„Ég hef enga heimild til að ræða rannsókn einstakra mála.“

Stefán Eiríksson tvíræður á Twitter
Eitt af uppáhalds Bítlalögum fyrrverandi lögreglustjóra fjallar um mann sem hættir í lögreglunni og samskipti hans við konu með silfurskeið í munni.

Stefán Eiríksson á Twitter: „Ekkert annað réði þeirri ákvörðun"
Fráfarandi lögreglustjóri svarar frétt DV á Twitter-síðu sinni í dag.