Nýjar tölur úr flestum laxveiðiánum heldur daprar

Landssamband Veiðifélaga birti nýjar tölur úr laxveiðiánum í gærkvöldi og það er því miður ekki mikil breyting til batnaðar.

Það er ótrúlegt að sjá að aðeins ein á er komin yfir 1000 laxa 23. júlí og það er Blanda, en þar er veiðin búin að vera ágæt og áin líklega að landa meðalári.  Góðu fréttirnar þessa vikuna er góð veiði í Laxá í Ásum en vikan þar skilaði 130 löxum sem er sama veiði og Langá er búin að skila í sumar en það er aðeins veitt á 2 stangir í Laxá í Ásum en 12 stangir í Langá.  Veiðin í Eystri Rangá er líka búin að vera góð, stórlaxahlutfallið þar er hátt og það er engin að kvarta mikið þar við bakkann á meðan systuráin Ytri Rangá er ekki alveg farin í gang ennþá en það er vel þekkt að stóru göngurnar í hana koma oft seint.  Laxá í Kjós, Grímsá, Leirvogsá, Laxá í Dölum, Laxá í Leirársveit og Langá eru hins vegar að eiga eitt versta sumar sem hefur verið skráð í bækurnar og það virðist engin önnur skýring en að smálaxagöngurnar hafi ekki bara orðið litlar það er sin og þær hafi bara ekki komið.  Norðurá og Þverá eru einu árnar í Borgarfirði sem virðast þrátt fyrir allt halda dampi en þá sérstaklega Þverá og Kjarrá þar sem meira er af stórlaxi en oft áður og líklega gæti hún farið yfir 1000 laxa í sumar og Norðurá sem er samt ekkert góð tala í þessum tveimur ám.

Norðausturland er líka undir meðalveiði en þar er þó meira eftir af veiðitímanum og ágústmánuður oft drjúgur í síðsumarsgöngum svo það er ekki alveg hægt að afskrifa sumarið þar.  Það sem vekur athygli á listanum er aftur á móti sú staðreynd að sjá Laxá í Ásum með 331 lax á tvær stangir einu sæti fyrir ofan Laxá í Aðaldal með 283 laxa á 18 stangir.  Topp tíu listinn er:

Veiðivatn	Dagsetning	Heildarveiði	Stangafjöldi	Lokatölur 2013
Blanda	23. 7. 2014	1060	14	2611
Þverá + Kjarará	23. 7. 2014	656	14	3373
Norðurá	23. 7. 2014	595	15	3351
Eystri-Rangá	23. 7. 2014	558	18	4797
Miðfjarðará	23. 7. 2014	471	10	3667
Haffjarðará	23. 7. 2014	395	6	2158
Ytri-Rangá & Hólsá, vesturbakki.	23. 7. 2014	344	20	5461
Laxá á Ásum	23. 7. 2014	331	2	1062
Laxá í Aðaldal	23. 7. 2014	283	18	1009
Elliðaárnar.	23. 7. 2014	277	6	1145