Hin mörgu andlit sykurs

Sykur hefur mikið verið til umfjöllunar undanfarna daga og ekki að ástæðulausu, þetta er eitt mestnotaða efni í matvælum í heiminum í dag. Síðan í byrjun september hafa margir tekið þátt í Sykurlausum september og komist að því að það er nánast ógerlegt að skera sykurinn algerlega út. Það er eitt að taka út augljósan sykur svosem sælgæti, gos og sætabrauð en þegar hugmyndir eru um að halda lengra birtist fjall í fjarska sem nánast vonlaust er að klífa. Sykur er notaður í það margar matvörur að það væri nær að gera lista yfir matvörur sem sykurinn er ekki í og hvað þá gervisykur.

Sykur er góður, já við vitum það, en hann gefur líka fallega áferð, meiri fyllingu í matinn og sælutilfinningu eftir átið. Er það ekki hin fullkomna samsetning, ekki satt? Jú, því miður er það alveg hárrétt. Sykurinn á sér líka svartar hliðar sem að eru þessum ljósu yfirsterkari. Hann er ávanabindandi, fitandi, næringarlaus, hreint út sagt eitur í of miklu magni og hann felur sig allstaðar.

Matvælaframleiðendum og matvælainnflytjendum er skylt að vera með innihaldslýsingu á matvörum á Íslandi. Með því að skoða innihaldslýsinguna er hægt að sjá heildarmagn sykurs í vörunni og yfirleitt líka í hverjum skammti eða í hverjum 100 g.  



Í innihaldslýsingum á að telja upp allt sem sett er í vöruna, fyrst það sem mest er af og síðan koll af kolli eftir minnkandi magni, þannig að ef um er að ræða vöru þar sem sykurinn er ofarlega á listanum þá inniheldur varan líklega mikinn sykur. Það sama gildir um matvælaframleiðendur erlendis og á eftirtöldum lista er að finna hin mörgu nöfn og andlit sykurs sem gott er að hafa í huga næst þegar þú lest aftan á matvælapakkningar.



Brown sugar

Cane juice and cane syrup

Confectioners’ sugar

Corn sweetener og corn syrup

Dextrose

Fructose

Fruit juice concentrates

Glucose

Granulated white sugar

High-fructose corn syrup

Honey

Invert sugar

Lactose

Maltose

Malt syrup

Molasses

Raw sugar

Sucrose

Syrup