Kvef eða kynsjúkdómur?

Leikarinn Michael Douglas sagði nýlega að hann hefði fengið krabbamein í hálsinn vegna munnmaka við konur. Þessi frétt barst eins og eldur um sinu internetsins og allt í einu var á allra vörum að munnmök væru hættulaus.

 

Við munnmök er hægt að smitast af kynsjúkdómum, þar á meðal (og þetta er ekki tæmandi listi): HPV veirunni (sem getur valdið krabbameini í hálsi), herpes, klamydíu, lekandi og jafnvel vörtum.

 

Það er ekki nauðsynlegt að sæði verði eftir í munni til að smit verði.

 

Eina sem ver gegn kynsjúkdómum er smokkurinn og „dental dam“. Einnig er hægt að föndra sitt eigið dental dam með því að klippa smokk og strengja yfir píkuna eða rassinn.

 

Sumir reka upp stór augu þegar stungið er upp á notkun verja við munnmök en einhver er ástæðan fyrir því smokkar fást með bragði, eins og til dæmis beikoni og kólabragði. Einnig er hægt að nota bragðbætt sleipiefni.

 

Ef útí það er farið þá er reyndar líka hægt að fá sýkingu í augun því snerting við slímhúð er ein leið fyrir kynsjúkdóm að smitast svo ef einhver er vafinn, ekki pota i augun eða notið viðeigandi varnarbúnað fyrir augu í kynlífi, sundgleraugu.

 

Ef þú stundaðir óvarin munnmök við nýjan bólfélaga eða bólfélaga sem þú ert óviss um stöðu kynsjúkdómasmits þá er vissara að kíkja í tjekk og taka fram að þú hafir stundað munnmök.

 

Þú getur lesið nánar um kynsjúkdóma í þessum bæklingi frá Landlæknisembættinu.