Þægilegt hjá Tottenham í Grikklandi

Tottenham er komið í afar vænlega stöðu í sínum riðli í Evrópudeildinni eftir góðan 1-2 sigur á Asteras í Grikklandi.

Andros Townsend og Harry Kane skoruðu báðir fyrir Spurs seint í fyrri hálfleik og þau mörk dugðu til sigurs. Asteras minnkaði muninn undir lokin en það dugði ekki til. Þá fékk liðið afar ódýrt víti og Fazio þess utan rekinn af velli. Galinn dómur. Úr spyrnunni skoraði síðan Jeronimo Barrales.

Tottenham er á toppi riðilsins með átta stig en Asteras er í þriðja sæti með fjögur stig.