Haukar höfðu betur gegn B-liðinu

Haukar eru komnir í 16-liða úrslit Coca-Cola bikarsins eftir sigur B-liði félags í Schenker höllinni í dag.

Gamlar kempur á borð við Jón Karl Björnsson, Þorkel Magnússon og Halldór Ingólfsson léku með B-liðinu sem hélt í við aðalliðið í fyrri hálfleik.

Staðan að honum loknum var 15-11, en aðallið Hauka gaf í í seinni hálfleik og vann að lokum 15 marka sigur, 36-21.

Línumaðurinn Heimir Óli Heimisson skoraði mest fyrir Hauka, eða átta mörk, en Grétar Már Garðarsson skoraði sjö mörk fyrir B-liðið.

Markaskorarar Hauka:

Heimir Óli Heimsson 8, Vilhjálmur Geir Hauksson 7, Egill Eiríksson 6, Leonharð Þorgeir Harðarson 5, Þröstur Þráinsson 4, Adam Haukur Baumruk 2, Brynjólfur Snær Brynjólfsson 2, Árni Steinn Steinþórsson 1., Matthías Árni Ingimarsson 1.

Markaskorarar Hauka B:

Grétar Már Garðarsson 7, Þorkell Magnússon 4, Halldór Ingólfsson 4, Lárus Guðmundur Jónsson 2, Jón Óskarsson 2, Orri Sturluson 1, Jón Karl Björnsson 1.