Kynhneigð ekki vandamál á ÓL í Sotsjí Kolbeinn Tumi Daðason skrifar 30. janúar 2014 07:45 Andrei V. Tsyganov, sendiherra Rússlands á Íslandi er hér til vinstri. Vísir/Vilhelm „Ég var sjálfur í Sotsjí fyrir um þrjátíu árum. Bærinn var pínulítill og aðeins með örfáa íbúa yfir vetrartímann. Hins vegar ferðaðist hálf þjóðin þangað á sumrin til að baða sig í Svartahafinu,“ segir Andrei V. Tsyganov, sendiherra Rússlands á Íslandi. Vika er í að Vetrarólympíuleikarnir hefjist í Sotsjí sem ljóst er að verður í framhaldinu vetrarparadís fyrir rússneskan almenning og íþróttafólk. „Nú eru þar nútímavædd samgöngu-mannvirki og við vonumst til þess að Sotsjí verði að vinsælum ferðamannastað árið um kring.“ Tsyganov bauð íslensku Ólympíuförunum í heimsókn í síðustu viku þegar tilkynnt var hverjir myndu keppa fyrir Íslandshönd. Rússneskir réttir voru á borðum auk þess sem hægt var að væta kverkarnar með vodkaskoti. Sendiherrann telur að Sotsjí verði mikilvæg rússnesku íþróttafólki í framtíðinni. Minnir hann á að við upplausn Sovétríkjanna hafi Rússar orðið af fjölmörgum mannvirkjum til íþróttamannvirkja. „Við misstum til dæmis margar skautahallir,“ segir Tsyganov og bætir við að rússneska meistaramótið hafi um tíma verið haldið í Þýskalandi sökum aðstöðuleysis. „Eftir leikana Sotsjí mun aðstaðan hafa batnað til muna.“ Skyldi engan undra. Reiknað er með því að kostnaður Rússa við að halda leikana muni nema sex þúsund milljörðum króna þegar upp verður staðið. Til samanburðar var kostnaður við Sumarólympíuleikana í London árið 2012 1.600 milljarðar króna. Leikarnir í Sotsjí verða þeir dýrustu í sögunni.Látið börnin bara í friði Fjölmiðlaumfjöllun vegna leikanna hefur að miklu leyti beinst að gagnrýni á hendur rússneskum yfirvöldum vegna mannréttindabrota. Heyrist þar mest í samkynhneigðum sem eru ósáttir við lagasetningu frá því síðasta sumar. Vladimir Pútín, forseti Rússlands, hefur látið hafa eftir sér að samkynhneigðir séu velkomnir til Sotsjí að því gefnu að þeir láti börn í friði. Tsyganov tekur undir orð Pútíns.Andrei V. Tsyganov„Það eru engin vandamál. Lög okkar takmarka ekki réttindi samkynhneigðra á nokkurn hátt nema að því leyti að við viljum að börn séu látin í friði,“ segir Tsyganov. Lögin banna „áróður“ fyrir samtökum samkynhneigðra gagnvart börnum. „Þú mátt gera hvað sem þú vilt er snertir samkynhneigð en láttu börnin eiga sig.“ Sá rússneski minnir á að Ólympíuleikarnir fari fram samkvæmt Ólympíusáttmálanum. Alþjóðaólympíunefndin sé aðalskipuleggjandi leikanna í samstarfi við Rússa. Auk laganna umdeildu hafa íslamskir hryðjuverkamenn hótað því að gera árás á Sotsjí fari leikarnir þar fram. Tsyganov segir að því miður sé raunveruleikinn sá að Rússland sé meðal landa sem stafi mikil ógn af hryðjuverkum.Öryggisgæsla en ekkert ónæði „Við þekkjum hryðjuverk af eigin raun. Því eru öryggismál í forgangi hjá okkur og tekin mjög alvarlega. Rúmlega 40 þúsund lögreglumenn verða á svæðinu til að gæta öryggis keppenda og gesta,“ segir Tsygvanov sem gegnt hefur stöðu sendiherra hér á landi í tæp þrjú ár. „Við verðum þó ekki með lögreglumenn með metra millibili,“ segir Tsyganov. Vísar hann í orð Pútíns um að lögreglumennirnir muni sinna hlutverki sínu á skilvirkan hátt án þess að gestir hljóti ónæði af. Tsyganov segist vonast til þess að íslenskt íþróttafólk standi sig vel. Hann hefði ekkert á móti því að Ísland hefði betur gegn Rússum í keppni í Sotsjí. Hann minnir á að Ólympíuleikar snúist um fleira en að vinna sigra og afrek. „Ólympíuandinn mun svífa yfir vötnunum, nýr vinskapur myndast og fólk upplifa nýja hluti.“ Vetrarólympíuleikar 2014 í Sochi Mest lesið Hótar að stöðva byggingu nýs vallar ef liðið skiptir ekki um nafn Sport Uppgjörið: Lech Poznan - Breiðablik 7-1 | Afhroð í Póllandi Fótbolti Enskar í úrslit eftir dramatík Fótbolti Styttist í að Orri Steinn verði ekki lengur stærsta sala FCK Fótbolti Óskiljanlegur miði Vestra vekur athygli Fótbolti Gascoigne fannst meðvitundarlaus og fluttur á spítala Fótbolti Hrósuðu Túfa í hástert: „Á einhvern hátt heldur maður með honum“ Fótbolti Sænska táningsstelpan tjáir sig um vítið og skilaboðin frá Zlatan Fótbolti Uppgjörið: Víkingur - Valur 1-2 | Valsmenn tóku toppsætið af tíu Víkingum Íslenski boltinn Mbeumo staðfestur hjá félagi drauma sinna Enski boltinn Fleiri fréttir „Við viljum meira“ Uppbótartíminn: „Þetta tók níu sekúndur“ Enskar í úrslit eftir dramatík Uppgjörið: Lech Poznan - Breiðablik 7-1 | Afhroð í Póllandi Palace áfrýjar og vill spila í Evrópudeildinni KR í markmannsleit eftir meiðsli Davíð Snorri aðstoðar Frey og félaga Eigandi Cowboys gerir stjörnurnar sínar brjálaðar Mætti með bikarinn á frumsýningu Happy Gilmore Víðir fór holu í höggi Rakarastofa og sjónvarp fyrir alla í flottasta búningsklefa heims Sögunni endalausu um Gyökeres loksins að ljúka Borgarstjórinn forðast að ræða hótanir Trumps Fyrrum leikmaður Liverpool og Chelsea látinn „Fjölmennasti leikur sem Breiðablik hefur spilað“ Frá Inter til Serbíu og gæti mætt Blikum Ekki hissa á því að Horner hafi verið rekinn Hrósuðu Túfa í hástert: „Á einhvern hátt heldur maður með honum“ Búinn að eyða yfir tuttugu milljörðum en segist vanta meira „Við erum ekki á góðum stað“ Þurfa að losa leikmenn til að skrá Rashford „Ég líki þessu svolítið við Blikana“ Hálffimmtug Venus snéri aftur með sigri Styttist í að Orri Steinn verði ekki lengur stærsta sala FCK Dagskráin í dag: Breiðablik í Póllandi Daðraði við Dallas áður en hann skrifaði undir hjá Lakers á nýjan leik „Líður eins og ég sé hraðari, sterkari og í betra standi en áður“ Enn leikmaður KR en nú lánaður til Lyngby Amorim og Guardiola vilja fyrrum lærisvein þess fyrrnefnda Íþróttamaður HK til liðs við ÍA Sjá meira
„Ég var sjálfur í Sotsjí fyrir um þrjátíu árum. Bærinn var pínulítill og aðeins með örfáa íbúa yfir vetrartímann. Hins vegar ferðaðist hálf þjóðin þangað á sumrin til að baða sig í Svartahafinu,“ segir Andrei V. Tsyganov, sendiherra Rússlands á Íslandi. Vika er í að Vetrarólympíuleikarnir hefjist í Sotsjí sem ljóst er að verður í framhaldinu vetrarparadís fyrir rússneskan almenning og íþróttafólk. „Nú eru þar nútímavædd samgöngu-mannvirki og við vonumst til þess að Sotsjí verði að vinsælum ferðamannastað árið um kring.“ Tsyganov bauð íslensku Ólympíuförunum í heimsókn í síðustu viku þegar tilkynnt var hverjir myndu keppa fyrir Íslandshönd. Rússneskir réttir voru á borðum auk þess sem hægt var að væta kverkarnar með vodkaskoti. Sendiherrann telur að Sotsjí verði mikilvæg rússnesku íþróttafólki í framtíðinni. Minnir hann á að við upplausn Sovétríkjanna hafi Rússar orðið af fjölmörgum mannvirkjum til íþróttamannvirkja. „Við misstum til dæmis margar skautahallir,“ segir Tsyganov og bætir við að rússneska meistaramótið hafi um tíma verið haldið í Þýskalandi sökum aðstöðuleysis. „Eftir leikana Sotsjí mun aðstaðan hafa batnað til muna.“ Skyldi engan undra. Reiknað er með því að kostnaður Rússa við að halda leikana muni nema sex þúsund milljörðum króna þegar upp verður staðið. Til samanburðar var kostnaður við Sumarólympíuleikana í London árið 2012 1.600 milljarðar króna. Leikarnir í Sotsjí verða þeir dýrustu í sögunni.Látið börnin bara í friði Fjölmiðlaumfjöllun vegna leikanna hefur að miklu leyti beinst að gagnrýni á hendur rússneskum yfirvöldum vegna mannréttindabrota. Heyrist þar mest í samkynhneigðum sem eru ósáttir við lagasetningu frá því síðasta sumar. Vladimir Pútín, forseti Rússlands, hefur látið hafa eftir sér að samkynhneigðir séu velkomnir til Sotsjí að því gefnu að þeir láti börn í friði. Tsyganov tekur undir orð Pútíns.Andrei V. Tsyganov„Það eru engin vandamál. Lög okkar takmarka ekki réttindi samkynhneigðra á nokkurn hátt nema að því leyti að við viljum að börn séu látin í friði,“ segir Tsyganov. Lögin banna „áróður“ fyrir samtökum samkynhneigðra gagnvart börnum. „Þú mátt gera hvað sem þú vilt er snertir samkynhneigð en láttu börnin eiga sig.“ Sá rússneski minnir á að Ólympíuleikarnir fari fram samkvæmt Ólympíusáttmálanum. Alþjóðaólympíunefndin sé aðalskipuleggjandi leikanna í samstarfi við Rússa. Auk laganna umdeildu hafa íslamskir hryðjuverkamenn hótað því að gera árás á Sotsjí fari leikarnir þar fram. Tsyganov segir að því miður sé raunveruleikinn sá að Rússland sé meðal landa sem stafi mikil ógn af hryðjuverkum.Öryggisgæsla en ekkert ónæði „Við þekkjum hryðjuverk af eigin raun. Því eru öryggismál í forgangi hjá okkur og tekin mjög alvarlega. Rúmlega 40 þúsund lögreglumenn verða á svæðinu til að gæta öryggis keppenda og gesta,“ segir Tsygvanov sem gegnt hefur stöðu sendiherra hér á landi í tæp þrjú ár. „Við verðum þó ekki með lögreglumenn með metra millibili,“ segir Tsyganov. Vísar hann í orð Pútíns um að lögreglumennirnir muni sinna hlutverki sínu á skilvirkan hátt án þess að gestir hljóti ónæði af. Tsyganov segist vonast til þess að íslenskt íþróttafólk standi sig vel. Hann hefði ekkert á móti því að Ísland hefði betur gegn Rússum í keppni í Sotsjí. Hann minnir á að Ólympíuleikar snúist um fleira en að vinna sigra og afrek. „Ólympíuandinn mun svífa yfir vötnunum, nýr vinskapur myndast og fólk upplifa nýja hluti.“
Vetrarólympíuleikar 2014 í Sochi Mest lesið Hótar að stöðva byggingu nýs vallar ef liðið skiptir ekki um nafn Sport Uppgjörið: Lech Poznan - Breiðablik 7-1 | Afhroð í Póllandi Fótbolti Enskar í úrslit eftir dramatík Fótbolti Styttist í að Orri Steinn verði ekki lengur stærsta sala FCK Fótbolti Óskiljanlegur miði Vestra vekur athygli Fótbolti Gascoigne fannst meðvitundarlaus og fluttur á spítala Fótbolti Hrósuðu Túfa í hástert: „Á einhvern hátt heldur maður með honum“ Fótbolti Sænska táningsstelpan tjáir sig um vítið og skilaboðin frá Zlatan Fótbolti Uppgjörið: Víkingur - Valur 1-2 | Valsmenn tóku toppsætið af tíu Víkingum Íslenski boltinn Mbeumo staðfestur hjá félagi drauma sinna Enski boltinn Fleiri fréttir „Við viljum meira“ Uppbótartíminn: „Þetta tók níu sekúndur“ Enskar í úrslit eftir dramatík Uppgjörið: Lech Poznan - Breiðablik 7-1 | Afhroð í Póllandi Palace áfrýjar og vill spila í Evrópudeildinni KR í markmannsleit eftir meiðsli Davíð Snorri aðstoðar Frey og félaga Eigandi Cowboys gerir stjörnurnar sínar brjálaðar Mætti með bikarinn á frumsýningu Happy Gilmore Víðir fór holu í höggi Rakarastofa og sjónvarp fyrir alla í flottasta búningsklefa heims Sögunni endalausu um Gyökeres loksins að ljúka Borgarstjórinn forðast að ræða hótanir Trumps Fyrrum leikmaður Liverpool og Chelsea látinn „Fjölmennasti leikur sem Breiðablik hefur spilað“ Frá Inter til Serbíu og gæti mætt Blikum Ekki hissa á því að Horner hafi verið rekinn Hrósuðu Túfa í hástert: „Á einhvern hátt heldur maður með honum“ Búinn að eyða yfir tuttugu milljörðum en segist vanta meira „Við erum ekki á góðum stað“ Þurfa að losa leikmenn til að skrá Rashford „Ég líki þessu svolítið við Blikana“ Hálffimmtug Venus snéri aftur með sigri Styttist í að Orri Steinn verði ekki lengur stærsta sala FCK Dagskráin í dag: Breiðablik í Póllandi Daðraði við Dallas áður en hann skrifaði undir hjá Lakers á nýjan leik „Líður eins og ég sé hraðari, sterkari og í betra standi en áður“ Enn leikmaður KR en nú lánaður til Lyngby Amorim og Guardiola vilja fyrrum lærisvein þess fyrrnefnda Íþróttamaður HK til liðs við ÍA Sjá meira