Óskynsamleg skíðasniðganga Hildur Sverrisdóttir skrifar 1. febrúar 2014 06:00 Forseti Íslands og frú hafa þegið boð um að vera viðstödd Vetrarólympíuleikana í Sotsjí. Það er gott þrátt fyrir skiljanlega umræðu um hvort ráðamenn þjóðarinnar ættu að sniðganga leikana til að mótmæla grófum mannréttindabrotum Rússa gagnvart samkynhneigðum. Slík tillaga var meðal annars lögð fram á Alþingi sem er reyndar áhugavert því að sama dag stóðu sömu þingmenn og höfðu hvatt til sniðgöngu leikanna að jákvæðri umræðu um fríverslunarsamning við Kína. Það er áhugavert að sömu þingmenn hafi tekið sitthvora afstöðuna í þeim tveim málum því að um þau gilda í grunninn sömu lögmál; frjáls verslun brýtur niður múra í ríkjum sem þurfa að gera betur. Að sama skapi eru samskipti betri en útskúfun gagnvart ríkjum sem þurfa að gera betur. Á Ólympíuleikunum taka allir þátt á jafnréttisgrundvelli, sem stuðlar að friði og samvinnu þjóða – alveg eins og að í húsi Sameinuðu þjóðanna tala allir saman þótt mörg ríki megi þar gagnrýna fyrir stjórnarhætti sína. Það er vissulega ærin ástæða til að gagnrýna stefnu rússneskra stjórnvalda gagnvart samkynhneigðum. En það er vandséð hvar eigi að draga mörkin ef Ísland á í framtíðinni ekki að sniðganga flest alþjóðleg íþróttamót. Ráðamenn mættu á Ólympíuleikana í Kína til að hvetja silfurstrákana okkar þrátt fyrir mannréttindabrotin þar og forseti Íslands var um daginn að hvetja strákana okkar í Abú Dabí sem mun seint kallast fyrirheitna landið. Næstu Ólympíuleikar verða í Brasilíu þar sem verið er að jafna fátækrahverfi við jörðu til að rýma fyrir íþróttamannvirkjum og varla verður talið að Ísland sé fylgjandi dauðarefsingum ef við sniðgöngum ekki leika í Bandaríkjunum. Það er hægt að gagnrýna alltof margt úti um allan heim en sniðganga er ekki leiðin til þess. Miklu frekar eiga ráðamenn að mæta til Rússlands og fagna þegar íþróttamenn skarta naglalakki í regnbogalitunum og þegar Þjóðverjar mæta íklæddir sínum lítt dulbúnu skilaboðum. Nota tækifærið ef þeir hitta rússneska ráðamenn til að segja sína skoðun og hafa með sterkri og stoltri mannréttindavitund áhrif í öðrum ríkjum. Viltu birta grein á Vísi? Sendu okkur póst. Senda grein Hildur Sverrisdóttir Mest lesið Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun Mótum framtíðina saman Jónína Hauksdóttir ,Magnús Þór Jónsson Skoðun Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun Magga Stína! Helga Völundardóttir Skoðun Íslenskir flóttamenn - í okkar eigin landi Gunnar Magnús Diego Skoðun Slæm innivist skerðir afköst og hækkar kostnað Ingibjörg Magnúsdóttir Skoðun Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun Vísindi, hugvit og seigla – hugsum stórt og svo stærra! Sandra Mjöll Jónsdóttir-Buch Skoðun Svindl eða sjálfsvernd? Sigurður Árni Reynisson Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun
Forseti Íslands og frú hafa þegið boð um að vera viðstödd Vetrarólympíuleikana í Sotsjí. Það er gott þrátt fyrir skiljanlega umræðu um hvort ráðamenn þjóðarinnar ættu að sniðganga leikana til að mótmæla grófum mannréttindabrotum Rússa gagnvart samkynhneigðum. Slík tillaga var meðal annars lögð fram á Alþingi sem er reyndar áhugavert því að sama dag stóðu sömu þingmenn og höfðu hvatt til sniðgöngu leikanna að jákvæðri umræðu um fríverslunarsamning við Kína. Það er áhugavert að sömu þingmenn hafi tekið sitthvora afstöðuna í þeim tveim málum því að um þau gilda í grunninn sömu lögmál; frjáls verslun brýtur niður múra í ríkjum sem þurfa að gera betur. Að sama skapi eru samskipti betri en útskúfun gagnvart ríkjum sem þurfa að gera betur. Á Ólympíuleikunum taka allir þátt á jafnréttisgrundvelli, sem stuðlar að friði og samvinnu þjóða – alveg eins og að í húsi Sameinuðu þjóðanna tala allir saman þótt mörg ríki megi þar gagnrýna fyrir stjórnarhætti sína. Það er vissulega ærin ástæða til að gagnrýna stefnu rússneskra stjórnvalda gagnvart samkynhneigðum. En það er vandséð hvar eigi að draga mörkin ef Ísland á í framtíðinni ekki að sniðganga flest alþjóðleg íþróttamót. Ráðamenn mættu á Ólympíuleikana í Kína til að hvetja silfurstrákana okkar þrátt fyrir mannréttindabrotin þar og forseti Íslands var um daginn að hvetja strákana okkar í Abú Dabí sem mun seint kallast fyrirheitna landið. Næstu Ólympíuleikar verða í Brasilíu þar sem verið er að jafna fátækrahverfi við jörðu til að rýma fyrir íþróttamannvirkjum og varla verður talið að Ísland sé fylgjandi dauðarefsingum ef við sniðgöngum ekki leika í Bandaríkjunum. Það er hægt að gagnrýna alltof margt úti um allan heim en sniðganga er ekki leiðin til þess. Miklu frekar eiga ráðamenn að mæta til Rússlands og fagna þegar íþróttamenn skarta naglalakki í regnbogalitunum og þegar Þjóðverjar mæta íklæddir sínum lítt dulbúnu skilaboðum. Nota tækifærið ef þeir hitta rússneska ráðamenn til að segja sína skoðun og hafa með sterkri og stoltri mannréttindavitund áhrif í öðrum ríkjum.
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun