Tíska og hönnun

Er nakin án skartgripanna

María Birta segist vera með rokkaðan stíl í bland við kvenleika.
María Birta segist vera með rokkaðan stíl í bland við kvenleika. Visir/Andri Marinó
„Stíllinn minn er rokkaður í bland við kvenleika, en ég er þó oftast svartklædd.

Lífsstíll minn hefur tekið hamskiptum síðustu árin og hugsun mín til fatakaupa þar með breyst mikið. Ég leyfi mér frekar að kaupa fallega hönnun í dag en ég gerði áður fyrr, en ég blanda merkjavöru mikið við plain boli og buxur, en ég er ekki feimin við að vera í of litlu eða of miklu, en þori þó að viðurkenna að mér finnst ég nakin án skartsins míns.

Ég og verslunin mín, Manía, tökum alltaf breytingum saman og það mun sjást á næstu mánuðum í hvers konar stuði ég er, en næstu sendingar verða t.d. bara djúsí síðar peysur, slár, gallabuxur, plain bolir og svartir hversdagsskór,“ segir María Birta Bjarnadóttir, leikkona og verslunareigandi, er hún sýnir uppáhaldsfatnað sinn úr fataskápnum.

„Mig hefur í mörg ár dreymt um að eignast fallegan Balmain-jakka og ég lét það eftir mér í fyrra og því mun ég aldrei sjá eftir. Þessi jakki er eins og hannaður á mig.“
„Marios-peysan mín var gjöf frá vinkonu minn, en ég hef notað hana a.m.k. 5 sinnum í viku síðan þá… komin fjögur ár síðan og ég bara get ekki skilið við þessa peysu! Ég nota hana við öll tilefni, en mér finnst hún passa við allt.“
„Ég keypti mér þennan MCQ-kjól í fyrra þegar ég var að fara með myndinni „minni“, XL, á kvikmyndahátíðina í Karlovy Vary, en hann hefur verið í uppáhaldi síðan.“
„Ralph Lauren- taskan mín var jólagjöf frá mömmu í fyrra og ég hef notað hana mikið síðan.“
„Þessir svörtu skór komu með síðustu skósendingu í Maníu og þeir eru svo þægilegir að ég hef varla farið úr þeim síðan… svo þeir eru nýjasta uppáhaldið.“


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.