The Roommates (Gudda - An Epic Tale) Sigríður Jónsdóttir skrifar 29. ágúst 2014 10:15 Sambúðin var augsýnilega ekki hin auðveldasta en einstaklega frjó á köflum ... segir í dómnum. Fréttablaðið/Valli Leiksýningin Gudda frumsýnt í Smiðjunni, Sölvhólsgötu, 28. ágúst á leiklistarhátíðinni Lókal Þátttakendur: Vala Höskuldsdóttir, Guðbjörg Ása Jóns Huldudóttir og Eva Rún Snorradóttir Guðbjörg (Gudda) og Vala leigðu íbúð á Bárugötunni í vesturbæ Reykjavíkur ásamt eiginkonu Völu frá 2012 til 2014. Sambúðin var augsýnilega ekki hin auðveldasta en einstaklega frjó á köflum og frekar súrrealísk ef marka má afraksturinn sem hægt er að sjá á alþjóðlegu leiklistarhátíðinni Lókal um þessar mundir. Lókal er vettvangur sviðslistatilrauna og þar á Gudda vel heima. Verkið er hvort tveggja tilraun með sviðslistaformið og tilraun til þess að hjálpa Guddu að veita orku sinni í skapandi farveg án þess að fulkomnunarárátta hennar taki öll völd. Vala setur henni markmið byggð á lífi Guddu sem hún síðan framkvæmir innan skýrra tímamarka. Sviðsetningin er fábrotin í fyrstu en springur síðan út eins og pottablóm þegar líður á sýninguna, í góðum takt við uppbrot á sýningunni sem þróast í óvænta og einlæga átt í seinni helmingnum. Áhrifamestu atriðin eiga sér stað þegar Gudda sjálf fær lausan tauminn til að vera hún sjálf, leika sér og sýna sína innri manneskju, eða í sumum tilfellum heilt þorp af persónum sem búa innra með henni. Sérstaklega eftirminnilegt er atriði þar sem þær gefa áhorfendum magnaða og átakanlega innsýn í hinn gráa heim þunglyndis. Einnig er frábært augnablik þar sem Gudda leikur á sinn einstaka hátt Lé konung, Macbeth, lafði Macbeth og Thisbe úr Draumur á Jónsmessunótt í einni hendingu, á sjö mínútum. Þrátt fyrir að samband meðleigjendanna sé grunnurinn að verkinu er ekki kafað nógu djúpt í samband þeirra heldur er fókusinn aðallega á Guddu sjálfri. Stilla þarf sýninguna betur af og fá rödd Völu, sem er líka með virkilega skemmtilega nærveru, meira inn í sýninguna og skerpa innri ramma verksins sem birtist á mjög fallegan hátt undir lokin sem falleg vinátta með öllum sínum blæbrigðum. (Sýningin fer fram að mestu á ensku). Sigríður JónsdóttirNiðurstaða: Áhugaverð sviðslistatilraun sem hittir reglulega beint í hjartastað en þyrfti skýrari driffjöður. Gagnrýni Mest lesið „Það er einhver sjarmi yfir París sem er ekki annarsstaðar“ Lífið Eva flutt inn í verðlaunahús Kára Lífið „Þegar menn vaða svona í fjölskylduna mína þá tek ég boxhanskana af“ Lífið Ætlar í blómabað á Balí með manninum sínum Lífið Gaf langömmu tattú í afmælisgjöf Lífið Fyndnustu dýralífsmyndir ársins Lífið Fréttatía vikunnar: Þingframboð, þýfi og brúarframkvæmdir Lífið Heldur ekki vatni yfir konunni sinni Lífið Þriðja barnið á leiðinni Lífið Íslensk börn skorti meiri aga Lífið Fleiri fréttir Speak No Evil: Pabbi er ekki með fulle fem Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Alien Romulus: Ungmenna Alien May December: Seint koma sumir en koma þó Sjá meira
Leiksýningin Gudda frumsýnt í Smiðjunni, Sölvhólsgötu, 28. ágúst á leiklistarhátíðinni Lókal Þátttakendur: Vala Höskuldsdóttir, Guðbjörg Ása Jóns Huldudóttir og Eva Rún Snorradóttir Guðbjörg (Gudda) og Vala leigðu íbúð á Bárugötunni í vesturbæ Reykjavíkur ásamt eiginkonu Völu frá 2012 til 2014. Sambúðin var augsýnilega ekki hin auðveldasta en einstaklega frjó á köflum og frekar súrrealísk ef marka má afraksturinn sem hægt er að sjá á alþjóðlegu leiklistarhátíðinni Lókal um þessar mundir. Lókal er vettvangur sviðslistatilrauna og þar á Gudda vel heima. Verkið er hvort tveggja tilraun með sviðslistaformið og tilraun til þess að hjálpa Guddu að veita orku sinni í skapandi farveg án þess að fulkomnunarárátta hennar taki öll völd. Vala setur henni markmið byggð á lífi Guddu sem hún síðan framkvæmir innan skýrra tímamarka. Sviðsetningin er fábrotin í fyrstu en springur síðan út eins og pottablóm þegar líður á sýninguna, í góðum takt við uppbrot á sýningunni sem þróast í óvænta og einlæga átt í seinni helmingnum. Áhrifamestu atriðin eiga sér stað þegar Gudda sjálf fær lausan tauminn til að vera hún sjálf, leika sér og sýna sína innri manneskju, eða í sumum tilfellum heilt þorp af persónum sem búa innra með henni. Sérstaklega eftirminnilegt er atriði þar sem þær gefa áhorfendum magnaða og átakanlega innsýn í hinn gráa heim þunglyndis. Einnig er frábært augnablik þar sem Gudda leikur á sinn einstaka hátt Lé konung, Macbeth, lafði Macbeth og Thisbe úr Draumur á Jónsmessunótt í einni hendingu, á sjö mínútum. Þrátt fyrir að samband meðleigjendanna sé grunnurinn að verkinu er ekki kafað nógu djúpt í samband þeirra heldur er fókusinn aðallega á Guddu sjálfri. Stilla þarf sýninguna betur af og fá rödd Völu, sem er líka með virkilega skemmtilega nærveru, meira inn í sýninguna og skerpa innri ramma verksins sem birtist á mjög fallegan hátt undir lokin sem falleg vinátta með öllum sínum blæbrigðum. (Sýningin fer fram að mestu á ensku). Sigríður JónsdóttirNiðurstaða: Áhugaverð sviðslistatilraun sem hittir reglulega beint í hjartastað en þyrfti skýrari driffjöður.
Gagnrýni Mest lesið „Það er einhver sjarmi yfir París sem er ekki annarsstaðar“ Lífið Eva flutt inn í verðlaunahús Kára Lífið „Þegar menn vaða svona í fjölskylduna mína þá tek ég boxhanskana af“ Lífið Ætlar í blómabað á Balí með manninum sínum Lífið Gaf langömmu tattú í afmælisgjöf Lífið Fyndnustu dýralífsmyndir ársins Lífið Fréttatía vikunnar: Þingframboð, þýfi og brúarframkvæmdir Lífið Heldur ekki vatni yfir konunni sinni Lífið Þriðja barnið á leiðinni Lífið Íslensk börn skorti meiri aga Lífið Fleiri fréttir Speak No Evil: Pabbi er ekki með fulle fem Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Alien Romulus: Ungmenna Alien May December: Seint koma sumir en koma þó Sjá meira