Lendingar á „neyðarbraut“ rúmt hálft prósent af öllum lendingum Óli Kristján Ármannsson skrifar 17. nóvember 2014 07:00 Hér má sjá heildarfjölda lendinga og flugtaka á hverri braut Reykjavíkurflugvallar, burtséð frá því úr hvaða átt er komið eða í hvaða átt var tekið á loft, síðustu fimm árin. Mynd/Loftmyndir, map.is Tölur Isavia um lendingar og brottfarir á Reykjavíkurflugvelli síðustu ár sýna sáralitla hlutdeild norðaustur/suðvestur-brautarinnar stuttu (stundum nefnd „neyðarbraut“, en heitir í gögnum Isavia ýmist 06 eða 24 eftir því hvort farið er um hana í norðaustur eða suðvestur). Þegar skoðaðar eru tölur um lendingar á Reykjavíkurflugvelli kemur í ljós að síðustu sjö ár hafa lendingar á 06/24 brautinni að jafnaði verið 0,62 prósent allra lendinga á flugvellinum. Þannig voru þær 177 á móti 24.806 í fyrra og 150 á móti 24.867 árið þar áður. Þá má sjá að 2007 var brautin líka sáralítið notuð, með 68 lendingar á móti 32.112. Það árið fór nýtingarhlutfall brautarinnar niður í 0,21 prósent. Ekki kemur fram í gögnunum hvernig fjöldinn skiptist eftir erindum eða eigendum vélanna sem þarna lenda. „Lendingarnar eru skráðar á brautir en ekki til dæmis hvort um sjúkraflug er að ræða,“ segir í svari Friðþórs Eydal, talsmanns Isavia. Hann segir hins vegar verið að leggja lokahönd á vinnu úr ítarlegri gögnum en áður hafi verið notuð og að niðurstöður verði birtar von bráðar, líkt og Björn Óli Hauksson, forstjóri Isavia, hafi reifað á opnum fundi með nefndum Alþingis nýverið. „Niðurstöður af þeirri vinnu ættu að skýra málið,“ segir hann. Í máli Björns Óla á nefndafundi Alþingis kom líka fram að færi svo að 06-24 brautinni yrði lokað þá væri það mat Isavia að nýtingarhlutfall Reykjavíkurflugvallar færi niður í 95 prósent. Tölur um raunverulega notkun flugbrautarinnar slá hins vegar á útleggingar sem hafðar voru á lofti í kjölfarið um að í slíku nýtingarhlutfalli myndi flugvöllurinn ekki nýtast 16 daga á ári. Væri hlutdeild 06-24 brautarinnar í lendingum síðustu sjö ár yfirfærð á daga ársins jafngilti það til dæmis tveimur sólarhringum og sex klukkustundum. Af samtölum við reynda flugmenn má ráða að brautin sé stundum notuð bæði af Flugfélagi Íslands og Mýflugi, þótt ekki sé það ýkja oft. Hugtakið „neyðarbraut“ er enda dregið af því að í reglum Isavia kemur fram að helst eigi ekki að nota brautina. Þá er fleiri spurningum ósvarað um gildi brautarinnar þegar kemur að neyðarflugi með sjúklinga. Þannig hefur ekki komið fram hversu stór hluti af sjúkraflugi á flugvöllinn er raunverulegt neyðarflug þar sem mínútur skipta máli í að koma fólki undir læknishendur. Þá er því ósvarað hvort fari saman erfiðar aðstæður til flugs í Reykjavík og annars staðar á landinu, þar sem flugvellir eru bara með einni braut, því ekki er hægt að lenda í Reykjavík nema að hægt sé að leggja upp á brottfararstað. Samkvæmt heimildum blaðsins er 06-24 flugbrautin bara notuð þegar vindur stendur beint á hana. Styrkur vinds þarf að auki að vera með mesta móti til þess að trufla lendingar og brottfarir á hinum brautunum. Flugmenn segja gildi brautarinnar hins vegar að nokkru kunna að liggja í því að ekki sé lagt upp í flug nema að ljóst sé að lending sé fær í Reykjavík. Aðstæður kunni að vera þannig að lending sé bara fær á „neyðarbrautinni“ þegar farið er af stað, en breytist á leiðinni þannig að hægt sé að lenda á annarri hvorri aðalbrautinni. Í slíkum tilvikum sé tilvist 06-24 brautarinnar hins vegar forsenda þess að lagt sé upp til að byrja með. Braut 06-24Á braut 06 er stefnan í norðausturátt. Þá er lent úr Skerjafirðinum og tekið á loft í átt að Snorrabraut. Alla jafna er flugtak óheimilt á þessari braut.Á braut 24 er stefnan í suðvestur. Aðflug er yfir Norðurmýri og enda Snorrabrautar og tekið á loft í átt að Skerjafirði. Fréttaskýringar Mest lesið „Ef þessi maður kemst út úr fangelsi mun hann drepa barnið mitt“ Innlent „Ef þið haldið mér áfram í fangelsi þá verður vandamál“ Innlent „Að láta taka sig ósmurt? Takk, en nei takk“ Innlent Þrír af hverjum fjórum sitja eftir með sárt ennið Innlent Segja Ásgeir Helga hafa verið 20 mínútur í stæðinu Innlent „Pabbi er að senda þér skilaboð og mamma vill fá að sjá hvað stendur“ Innlent Ósáttur með sætin og fær milljón endurgreidda Neytendur Ætlaði með allt of ungt barn í ferð og heimtaði endurgreiðslu Innlent Íris segir RÚV henda blautri og kaldri tusku í andlit sjómanna Innlent Ekki náttúruspjöll heldur forvarnir Innlent Fleiri fréttir „Í mínum huga alveg útilokað“ Sveitastrákur mætir með byssuna sína á Ólympíuleikana Stærðarinnar skilti sem ekkert má sýna Jarðgöng undir Miklubraut fýsilegri kostur Óhjákvæmilegt fyrir stjórnvöld að grípa inn í Milljarðar streyma úr landi með starfsemi veðmálafyrirtækja Lagabreytingin vegi að eldri borgurum og öryrkjum erlendis Vestmannaeyjabær höfðar skaðabótamál á hendur Vinnslustöðinni Bóndi þvingaður til að afhenda hrút Segja Ásgeir Helga hafa verið 20 mínútur í stæðinu Segja Grindavík alls ekki ónýta og vilja hleypa fólki inn Fjórar ferðir vegna heilbrigðisþjónustu fást nú endurgreiddar Skemmdu bíla í reiðiskasti áður en þeir flúðu lögreglu á rafskútu Dýrmætu vasaúri og silfurfesti stolið af byggðasafni „Ef þessi maður kemst út úr fangelsi mun hann drepa barnið mitt“ Rannsókn lokið á máli sem snýr að Polar Nanoq Fyrsta makrílfarmi vertíðarinnar landað í Neskaupstað Kári Garðarsson ráðinn framkvæmdastjóri Samtakanna 78 „Að láta taka sig ósmurt? Takk, en nei takk“ Albert neitaði sök Mikil tækifæri felist í að gera Þórsmörk að þjóðgarði Öldrun heimilislækna og fólksfjölgun valda læknaskorti Sjómenn „arfavitlausir“ og Lilja biður Stefán um frest Læknaskortur og sjávarháski Ætlaði með allt of ungt barn í ferð og heimtaði endurgreiðslu Ekki náttúruspjöll heldur forvarnir „Ef þið haldið mér áfram í fangelsi þá verður vandamál“ „Við erum að klæða vegi sem eiga að vera malbikaðir“ Íris segir RÚV henda blautri og kaldri tusku í andlit sjómanna Faglært starfsfólk og eftirlit skorti í búsetuúrræðum fyrir börn Sjá meira
Tölur Isavia um lendingar og brottfarir á Reykjavíkurflugvelli síðustu ár sýna sáralitla hlutdeild norðaustur/suðvestur-brautarinnar stuttu (stundum nefnd „neyðarbraut“, en heitir í gögnum Isavia ýmist 06 eða 24 eftir því hvort farið er um hana í norðaustur eða suðvestur). Þegar skoðaðar eru tölur um lendingar á Reykjavíkurflugvelli kemur í ljós að síðustu sjö ár hafa lendingar á 06/24 brautinni að jafnaði verið 0,62 prósent allra lendinga á flugvellinum. Þannig voru þær 177 á móti 24.806 í fyrra og 150 á móti 24.867 árið þar áður. Þá má sjá að 2007 var brautin líka sáralítið notuð, með 68 lendingar á móti 32.112. Það árið fór nýtingarhlutfall brautarinnar niður í 0,21 prósent. Ekki kemur fram í gögnunum hvernig fjöldinn skiptist eftir erindum eða eigendum vélanna sem þarna lenda. „Lendingarnar eru skráðar á brautir en ekki til dæmis hvort um sjúkraflug er að ræða,“ segir í svari Friðþórs Eydal, talsmanns Isavia. Hann segir hins vegar verið að leggja lokahönd á vinnu úr ítarlegri gögnum en áður hafi verið notuð og að niðurstöður verði birtar von bráðar, líkt og Björn Óli Hauksson, forstjóri Isavia, hafi reifað á opnum fundi með nefndum Alþingis nýverið. „Niðurstöður af þeirri vinnu ættu að skýra málið,“ segir hann. Í máli Björns Óla á nefndafundi Alþingis kom líka fram að færi svo að 06-24 brautinni yrði lokað þá væri það mat Isavia að nýtingarhlutfall Reykjavíkurflugvallar færi niður í 95 prósent. Tölur um raunverulega notkun flugbrautarinnar slá hins vegar á útleggingar sem hafðar voru á lofti í kjölfarið um að í slíku nýtingarhlutfalli myndi flugvöllurinn ekki nýtast 16 daga á ári. Væri hlutdeild 06-24 brautarinnar í lendingum síðustu sjö ár yfirfærð á daga ársins jafngilti það til dæmis tveimur sólarhringum og sex klukkustundum. Af samtölum við reynda flugmenn má ráða að brautin sé stundum notuð bæði af Flugfélagi Íslands og Mýflugi, þótt ekki sé það ýkja oft. Hugtakið „neyðarbraut“ er enda dregið af því að í reglum Isavia kemur fram að helst eigi ekki að nota brautina. Þá er fleiri spurningum ósvarað um gildi brautarinnar þegar kemur að neyðarflugi með sjúklinga. Þannig hefur ekki komið fram hversu stór hluti af sjúkraflugi á flugvöllinn er raunverulegt neyðarflug þar sem mínútur skipta máli í að koma fólki undir læknishendur. Þá er því ósvarað hvort fari saman erfiðar aðstæður til flugs í Reykjavík og annars staðar á landinu, þar sem flugvellir eru bara með einni braut, því ekki er hægt að lenda í Reykjavík nema að hægt sé að leggja upp á brottfararstað. Samkvæmt heimildum blaðsins er 06-24 flugbrautin bara notuð þegar vindur stendur beint á hana. Styrkur vinds þarf að auki að vera með mesta móti til þess að trufla lendingar og brottfarir á hinum brautunum. Flugmenn segja gildi brautarinnar hins vegar að nokkru kunna að liggja í því að ekki sé lagt upp í flug nema að ljóst sé að lending sé fær í Reykjavík. Aðstæður kunni að vera þannig að lending sé bara fær á „neyðarbrautinni“ þegar farið er af stað, en breytist á leiðinni þannig að hægt sé að lenda á annarri hvorri aðalbrautinni. Í slíkum tilvikum sé tilvist 06-24 brautarinnar hins vegar forsenda þess að lagt sé upp til að byrja með. Braut 06-24Á braut 06 er stefnan í norðausturátt. Þá er lent úr Skerjafirðinum og tekið á loft í átt að Snorrabraut. Alla jafna er flugtak óheimilt á þessari braut.Á braut 24 er stefnan í suðvestur. Aðflug er yfir Norðurmýri og enda Snorrabrautar og tekið á loft í átt að Skerjafirði.
Fréttaskýringar Mest lesið „Ef þessi maður kemst út úr fangelsi mun hann drepa barnið mitt“ Innlent „Ef þið haldið mér áfram í fangelsi þá verður vandamál“ Innlent „Að láta taka sig ósmurt? Takk, en nei takk“ Innlent Þrír af hverjum fjórum sitja eftir með sárt ennið Innlent Segja Ásgeir Helga hafa verið 20 mínútur í stæðinu Innlent „Pabbi er að senda þér skilaboð og mamma vill fá að sjá hvað stendur“ Innlent Ósáttur með sætin og fær milljón endurgreidda Neytendur Ætlaði með allt of ungt barn í ferð og heimtaði endurgreiðslu Innlent Íris segir RÚV henda blautri og kaldri tusku í andlit sjómanna Innlent Ekki náttúruspjöll heldur forvarnir Innlent Fleiri fréttir „Í mínum huga alveg útilokað“ Sveitastrákur mætir með byssuna sína á Ólympíuleikana Stærðarinnar skilti sem ekkert má sýna Jarðgöng undir Miklubraut fýsilegri kostur Óhjákvæmilegt fyrir stjórnvöld að grípa inn í Milljarðar streyma úr landi með starfsemi veðmálafyrirtækja Lagabreytingin vegi að eldri borgurum og öryrkjum erlendis Vestmannaeyjabær höfðar skaðabótamál á hendur Vinnslustöðinni Bóndi þvingaður til að afhenda hrút Segja Ásgeir Helga hafa verið 20 mínútur í stæðinu Segja Grindavík alls ekki ónýta og vilja hleypa fólki inn Fjórar ferðir vegna heilbrigðisþjónustu fást nú endurgreiddar Skemmdu bíla í reiðiskasti áður en þeir flúðu lögreglu á rafskútu Dýrmætu vasaúri og silfurfesti stolið af byggðasafni „Ef þessi maður kemst út úr fangelsi mun hann drepa barnið mitt“ Rannsókn lokið á máli sem snýr að Polar Nanoq Fyrsta makrílfarmi vertíðarinnar landað í Neskaupstað Kári Garðarsson ráðinn framkvæmdastjóri Samtakanna 78 „Að láta taka sig ósmurt? Takk, en nei takk“ Albert neitaði sök Mikil tækifæri felist í að gera Þórsmörk að þjóðgarði Öldrun heimilislækna og fólksfjölgun valda læknaskorti Sjómenn „arfavitlausir“ og Lilja biður Stefán um frest Læknaskortur og sjávarháski Ætlaði með allt of ungt barn í ferð og heimtaði endurgreiðslu Ekki náttúruspjöll heldur forvarnir „Ef þið haldið mér áfram í fangelsi þá verður vandamál“ „Við erum að klæða vegi sem eiga að vera malbikaðir“ Íris segir RÚV henda blautri og kaldri tusku í andlit sjómanna Faglært starfsfólk og eftirlit skorti í búsetuúrræðum fyrir börn Sjá meira