Þarf ekkert jólaskraut í ár Óskar Ófeigur Jónsson skrifar 4. desember 2014 06:00 Þekkja þessa ágætlega. Jón Margeir Sverrisson og Thelma Björg Björnsdóttir hafa bæði handleikið þessa bikara áður en þau voru valin íþróttafólk ársins hjá fötluðum í gær. Fréttablaðið/Vilhelm Íþróttasamband fatlaðra hélt upp á alþjóðlegan dag fatlaðra á besta mögulegan hátt í gær þegar sambandið verðlaunaði besta íþróttafólks ársins úr sínum röðum í árlegu kaffiboði sínu á Radisson SAS á Hótel Sögu. Jón Margeir Sverrisson og Thelma Björg Björnsdóttir voru valin íþróttafólk ársins og þá fékk Knattspyrnusamband Íslands hvataverðlaun ÍF. Jón Margeir Sverrisson setti nýtt met í gær en hann varð þá fyrsti karlmaðurinn sem er kosinn fjórum sinnum Íþróttamaður ársins hjá fötluðum. Jón Margeir bætti met Hauks Gunnarssonar og Jóns Odds Halldórssonar sem höfðu fengið þessi verðlaun þrisvar. Jón Margeir var kosinn íþróttamaður ársins þrjú ár í röð frá 2010 til 2012 en missti bikarinn til Helga Sveinssonar í fyrra. „Nú er bikarinn kominn aftur til mín og ég fæ hann líka vonandi aftur á næsta ári og líka eftir Ríó. Við sjáum bara til hvernig gengur en það er nóg framundan,“ sagði Jón Margeir en hann er með metnaðinn í botni. Jón Margeir á reyndar talsvert í að bæta met Kristínar Rósar Halldórsdóttur sem fékk þessi verðlaun tólf sinnum. Jón Margeir endaði árið með því að setja tvö heimsmet og þrjú Evrópumet sömu helgi og hann hélt upp á 22 ára afmælið sitt. Alls urðu Evrópumetin fjögur á árinu. „Ég náði að halda vel upp á afmælið mitt úti í Manchester,“ sagði Jón Margeir brosandi en hann varð Evrópumeistari í ágúst. „Ég náði stóru afreki og mínu besta afreki á árinu á Evrópumeistaramótinu. Það var flottur árangur þar en vonandi verða bara HM og Ólympíuleikarnir ennþá flottari,“ sagði Jón Margeir.Ekki hræddur við pressu „Það er alltaf pressa en ég er ánægður að hafa flotta samkeppni og það er líka gott að hafa góða styrktaraðila á bak við mig. Ég er ekki hræddur við neina pressu. Maður þarf bara að harka af sér og keyra á þetta í hverju einasta móti,“ sagði Jón Margeir. Jón Margeir fékk mikla samkeppni frá Helga Sveinssyni, fráfarandi Íþróttamanni ársins hjá fötluðum, en þeir urðu báðir Evrópumeistarar á árinu. „Ég og Helgi erum góðir félagar og við eigum í flottri samkeppni um að ná í þennan bikar. Við hvetjum alltaf hvor annan áfram,“ segir Jón Margeir. „Við sjáum til hvort við náum verðlaunum á HM á næsta ári eða á Ólympíuleikunum 2016 en ég stefni í það minnsta á gull á báðum mótum,“ segir Jón Margeir. En hefur hann pláss fyrir öll þessi verðlaun? „Það er svo lítið pláss heima hjá mér þannig að við þurfum að færa eitthvað til að koma bikarnum fyrir. Ég geymi öll verðlaunin í herbergi og það er alveg orðið fullt. Ég þarf ekkert að hugsa um neitt jólaskraut því medalíurnar eru mitt jólaskraut,“ sagði Jón Margeir Sverrisson léttur.Ætlar sér að vinna þrjú ár í röð „Ég er rosalega ánægð með þetta,“ sagði Thelma Björg Björnsdóttir skælbrosandi en hún var annað árið í röð kosin íþróttakona ársins hjá fötluðum. Thelma Björg setti alls 43 Íslandsmet á þessu ári, fimm fleiri en í fyrra. „Þetta var ólíkt ár því í fyrra og aðalástæðan var Evrópumeistaramótið,“ sagði Thelma Björg en hún vann sín fyrstu verðlaun á EM í Eindhoven þegar hún tryggði sér brons. Ég geymi verðlaunapeninginn minn í herberginu mínu svo að ég sjái hann alltaf,“ sagði Thelma. Hún segist aldrei fá leið á sundinu þótt að það fari mikill tími í æfingarnar. En ætlar hún að vinna þessi verðlaun þrjú ár í röð? „Já,“ svarar Thelma Björg um leið. Það er enginn vafi í hennar huga. Hún keppir á heimsmeistaramótinu á næsta ári og þá er hún farin að hugsa um Ólympíumótið í Ríó. „Kannski kemst ég á pall á HM,“ sagði Thelma.Með mikið keppnisskap „Ég er mjög stolt af henni. Þetta er rosalegur árangur enda er hún rosalega kappsöm og samviskusöm. Það er mikið keppnisskap í henni,“ sagði landsliðsþjálfarinn Kristín Guðmundsdóttir en hún var einnig fyrsti þjálfari Thelmu Bjargar. Thelma Björg var róleg í yfirlýsingunum þegar hún var komin með bikarinn í hendurnar en brosið var innilegt. „Hún er hógvær dama,“ sagði Kristín en hvernig fer Thelma að því að setja 81 Íslandsmet á tveimur árum. „Það er mikil þjálfun og mikið keppnisskap sem er að skila henni þessu. Hún er líka með rosalega gott utanumhald og gott stuðningsnet í foreldrum, þjálfurum og öllum í kringum sig. Það helst allt í hendur,“ sagði Kristín og hún á góðar minningar frá því þegar Thelma kom fyrst til hennar.Lofaði að fara með henni til Ríó „Við ætlum saman til Ríó. Ég er íþróttakennari og sundkennari og byrjaði að kenna henni í fyrsta bekk. Ég kom henni af stað í sundinu og hef síðan verið að fara með henni út sem landsliðsþjálfari. Ég sá þetta rosalega góða keppnisskap strax í fyrsta bekk og ég lofaði henni því þegar hún var að stíga sín fyrstu skref að ég ætlaði með henni til Ríó,“ sagði Kristín en síðan eru liðin sjö ár og nú er stelpan á góðri leið inn á leikana eftir tæp tvö ár. „Það er mjög gaman að sjá að hún sé komin svona langt og hjálpar mér líka rosalega mikið í að halda áfram,“ segir Kristín sem hefur sjálf unnið frábært starf með fötluðum. Fréttir ársins 2014 Innlendar Mest lesið Þjálfari Dana mætti reiður með síma í viðtal: „Svona á fótbolti ekki að vera“ Fótbolti Hjólhestaspyrna Bellingham bjargaði Englendingum Fótbolti Segja ballið búið hjá Heimi og Jamaíka Fótbolti Mögnuð reynsla og magnaður hópur Sport Almar skoraði fjörutíu stig þegar Ísland varð Norðurlandameistari Körfubolti Eitt sinn fyrstur í nýliðavali NFL, nú rekinn úr sjálfboðastarfi fyrir fjárdrátt Sport Myndefni af ofsaveðrinu: Þrumur, eldingar, haglél og fossandi rigning á EM Fótbolti „Við erum svona fimm prósentum frá þeim stað sem við viljum vera á“ Fótbolti Í beinni: Spánn - Georgía | Georgíumenn stefna á annan sögulegan sigur Fótbolti „Eins og hann væri að bæta upp fyrir mistök með mistökum“ Fótbolti Fleiri fréttir Þjóðverjar með algjöra yfirburði í seinni hálfleik og á leið í átta liða úrslit „Vorum að hugsa um að taka Bellingham út af“ Chelsea fær gamlan lærisvein nýja þjálfarans Í beinni: Spánn - Georgía | Georgíumenn stefna á annan sögulegan sigur Í beinni: Víkingur R. - Fram | Framarar reyna að leggja stein í götu meistaranna Eyjamenn skoruðu fimm í seinni hálfleik Segja ballið búið hjá Heimi og Jamaíka Sjö mínútna þrenna skilaði Fjölni stórsigri Russell fagnaði sigri eftir árekstur Verstappen og Norris Hjólhestaspyrna Bellingham bjargaði Englendingum Kristianstad taplaust í níu leikjum í röð Viking sterkir gegn Rosenborg „Eins og hann væri að bæta upp fyrir mistök með mistökum“ Mögnuð reynsla og magnaður hópur Almar skoraði fjörutíu stig þegar Ísland varð Norðurlandameistari Fjögur mótsmet slegin og aðeins sentímetri skildi að í langstökkinu Evrópubikarmeistarinn skoraði tvö mörk í fjórðu deildinni „Aldrei séð svona lélegt ítalskt landslið“ Messi hvíldur en Martínez sá um Perú Stelpurnar tryggðu sér sjöunda sætið Þjálfari Dana mætti reiður með síma í viðtal: „Svona á fótbolti ekki að vera“ „Við erum svona fimm prósentum frá þeim stað sem við viljum vera á“ Eitt sinn fyrstur í nýliðavali NFL, nú rekinn úr sjálfboðastarfi fyrir fjárdrátt Dagskráin í dag: Formúlan, HM í pílukasti og einn leikur í Bestu deild karla Sjáðu mörkin sem skiluðu Sviss áfram í átta liða úrslit Liverpool afþakkaði boð Newcastle um Gordon fyrir Quansah Myndefni af ofsaveðrinu: Þrumur, eldingar, haglél og fossandi rigning á EM „Mér finnst þessi úrslit ekki eins mikill skandall og fólk talar um“ Faðir og sonur munu stýra syni og bróður Þjóðverjar með algjöra yfirburði í seinni hálfleik og á leið í átta liða úrslit Sjá meira
Íþróttasamband fatlaðra hélt upp á alþjóðlegan dag fatlaðra á besta mögulegan hátt í gær þegar sambandið verðlaunaði besta íþróttafólks ársins úr sínum röðum í árlegu kaffiboði sínu á Radisson SAS á Hótel Sögu. Jón Margeir Sverrisson og Thelma Björg Björnsdóttir voru valin íþróttafólk ársins og þá fékk Knattspyrnusamband Íslands hvataverðlaun ÍF. Jón Margeir Sverrisson setti nýtt met í gær en hann varð þá fyrsti karlmaðurinn sem er kosinn fjórum sinnum Íþróttamaður ársins hjá fötluðum. Jón Margeir bætti met Hauks Gunnarssonar og Jóns Odds Halldórssonar sem höfðu fengið þessi verðlaun þrisvar. Jón Margeir var kosinn íþróttamaður ársins þrjú ár í röð frá 2010 til 2012 en missti bikarinn til Helga Sveinssonar í fyrra. „Nú er bikarinn kominn aftur til mín og ég fæ hann líka vonandi aftur á næsta ári og líka eftir Ríó. Við sjáum bara til hvernig gengur en það er nóg framundan,“ sagði Jón Margeir en hann er með metnaðinn í botni. Jón Margeir á reyndar talsvert í að bæta met Kristínar Rósar Halldórsdóttur sem fékk þessi verðlaun tólf sinnum. Jón Margeir endaði árið með því að setja tvö heimsmet og þrjú Evrópumet sömu helgi og hann hélt upp á 22 ára afmælið sitt. Alls urðu Evrópumetin fjögur á árinu. „Ég náði að halda vel upp á afmælið mitt úti í Manchester,“ sagði Jón Margeir brosandi en hann varð Evrópumeistari í ágúst. „Ég náði stóru afreki og mínu besta afreki á árinu á Evrópumeistaramótinu. Það var flottur árangur þar en vonandi verða bara HM og Ólympíuleikarnir ennþá flottari,“ sagði Jón Margeir.Ekki hræddur við pressu „Það er alltaf pressa en ég er ánægður að hafa flotta samkeppni og það er líka gott að hafa góða styrktaraðila á bak við mig. Ég er ekki hræddur við neina pressu. Maður þarf bara að harka af sér og keyra á þetta í hverju einasta móti,“ sagði Jón Margeir. Jón Margeir fékk mikla samkeppni frá Helga Sveinssyni, fráfarandi Íþróttamanni ársins hjá fötluðum, en þeir urðu báðir Evrópumeistarar á árinu. „Ég og Helgi erum góðir félagar og við eigum í flottri samkeppni um að ná í þennan bikar. Við hvetjum alltaf hvor annan áfram,“ segir Jón Margeir. „Við sjáum til hvort við náum verðlaunum á HM á næsta ári eða á Ólympíuleikunum 2016 en ég stefni í það minnsta á gull á báðum mótum,“ segir Jón Margeir. En hefur hann pláss fyrir öll þessi verðlaun? „Það er svo lítið pláss heima hjá mér þannig að við þurfum að færa eitthvað til að koma bikarnum fyrir. Ég geymi öll verðlaunin í herbergi og það er alveg orðið fullt. Ég þarf ekkert að hugsa um neitt jólaskraut því medalíurnar eru mitt jólaskraut,“ sagði Jón Margeir Sverrisson léttur.Ætlar sér að vinna þrjú ár í röð „Ég er rosalega ánægð með þetta,“ sagði Thelma Björg Björnsdóttir skælbrosandi en hún var annað árið í röð kosin íþróttakona ársins hjá fötluðum. Thelma Björg setti alls 43 Íslandsmet á þessu ári, fimm fleiri en í fyrra. „Þetta var ólíkt ár því í fyrra og aðalástæðan var Evrópumeistaramótið,“ sagði Thelma Björg en hún vann sín fyrstu verðlaun á EM í Eindhoven þegar hún tryggði sér brons. Ég geymi verðlaunapeninginn minn í herberginu mínu svo að ég sjái hann alltaf,“ sagði Thelma. Hún segist aldrei fá leið á sundinu þótt að það fari mikill tími í æfingarnar. En ætlar hún að vinna þessi verðlaun þrjú ár í röð? „Já,“ svarar Thelma Björg um leið. Það er enginn vafi í hennar huga. Hún keppir á heimsmeistaramótinu á næsta ári og þá er hún farin að hugsa um Ólympíumótið í Ríó. „Kannski kemst ég á pall á HM,“ sagði Thelma.Með mikið keppnisskap „Ég er mjög stolt af henni. Þetta er rosalegur árangur enda er hún rosalega kappsöm og samviskusöm. Það er mikið keppnisskap í henni,“ sagði landsliðsþjálfarinn Kristín Guðmundsdóttir en hún var einnig fyrsti þjálfari Thelmu Bjargar. Thelma Björg var róleg í yfirlýsingunum þegar hún var komin með bikarinn í hendurnar en brosið var innilegt. „Hún er hógvær dama,“ sagði Kristín en hvernig fer Thelma að því að setja 81 Íslandsmet á tveimur árum. „Það er mikil þjálfun og mikið keppnisskap sem er að skila henni þessu. Hún er líka með rosalega gott utanumhald og gott stuðningsnet í foreldrum, þjálfurum og öllum í kringum sig. Það helst allt í hendur,“ sagði Kristín og hún á góðar minningar frá því þegar Thelma kom fyrst til hennar.Lofaði að fara með henni til Ríó „Við ætlum saman til Ríó. Ég er íþróttakennari og sundkennari og byrjaði að kenna henni í fyrsta bekk. Ég kom henni af stað í sundinu og hef síðan verið að fara með henni út sem landsliðsþjálfari. Ég sá þetta rosalega góða keppnisskap strax í fyrsta bekk og ég lofaði henni því þegar hún var að stíga sín fyrstu skref að ég ætlaði með henni til Ríó,“ sagði Kristín en síðan eru liðin sjö ár og nú er stelpan á góðri leið inn á leikana eftir tæp tvö ár. „Það er mjög gaman að sjá að hún sé komin svona langt og hjálpar mér líka rosalega mikið í að halda áfram,“ segir Kristín sem hefur sjálf unnið frábært starf með fötluðum.
Fréttir ársins 2014 Innlendar Mest lesið Þjálfari Dana mætti reiður með síma í viðtal: „Svona á fótbolti ekki að vera“ Fótbolti Hjólhestaspyrna Bellingham bjargaði Englendingum Fótbolti Segja ballið búið hjá Heimi og Jamaíka Fótbolti Mögnuð reynsla og magnaður hópur Sport Almar skoraði fjörutíu stig þegar Ísland varð Norðurlandameistari Körfubolti Eitt sinn fyrstur í nýliðavali NFL, nú rekinn úr sjálfboðastarfi fyrir fjárdrátt Sport Myndefni af ofsaveðrinu: Þrumur, eldingar, haglél og fossandi rigning á EM Fótbolti „Við erum svona fimm prósentum frá þeim stað sem við viljum vera á“ Fótbolti Í beinni: Spánn - Georgía | Georgíumenn stefna á annan sögulegan sigur Fótbolti „Eins og hann væri að bæta upp fyrir mistök með mistökum“ Fótbolti Fleiri fréttir Þjóðverjar með algjöra yfirburði í seinni hálfleik og á leið í átta liða úrslit „Vorum að hugsa um að taka Bellingham út af“ Chelsea fær gamlan lærisvein nýja þjálfarans Í beinni: Spánn - Georgía | Georgíumenn stefna á annan sögulegan sigur Í beinni: Víkingur R. - Fram | Framarar reyna að leggja stein í götu meistaranna Eyjamenn skoruðu fimm í seinni hálfleik Segja ballið búið hjá Heimi og Jamaíka Sjö mínútna þrenna skilaði Fjölni stórsigri Russell fagnaði sigri eftir árekstur Verstappen og Norris Hjólhestaspyrna Bellingham bjargaði Englendingum Kristianstad taplaust í níu leikjum í röð Viking sterkir gegn Rosenborg „Eins og hann væri að bæta upp fyrir mistök með mistökum“ Mögnuð reynsla og magnaður hópur Almar skoraði fjörutíu stig þegar Ísland varð Norðurlandameistari Fjögur mótsmet slegin og aðeins sentímetri skildi að í langstökkinu Evrópubikarmeistarinn skoraði tvö mörk í fjórðu deildinni „Aldrei séð svona lélegt ítalskt landslið“ Messi hvíldur en Martínez sá um Perú Stelpurnar tryggðu sér sjöunda sætið Þjálfari Dana mætti reiður með síma í viðtal: „Svona á fótbolti ekki að vera“ „Við erum svona fimm prósentum frá þeim stað sem við viljum vera á“ Eitt sinn fyrstur í nýliðavali NFL, nú rekinn úr sjálfboðastarfi fyrir fjárdrátt Dagskráin í dag: Formúlan, HM í pílukasti og einn leikur í Bestu deild karla Sjáðu mörkin sem skiluðu Sviss áfram í átta liða úrslit Liverpool afþakkaði boð Newcastle um Gordon fyrir Quansah Myndefni af ofsaveðrinu: Þrumur, eldingar, haglél og fossandi rigning á EM „Mér finnst þessi úrslit ekki eins mikill skandall og fólk talar um“ Faðir og sonur munu stýra syni og bróður Þjóðverjar með algjöra yfirburði í seinni hálfleik og á leið í átta liða úrslit Sjá meira