Tvöfalda leitarsvæðið

Leitarsvæðið að malasísku vélinni MH-370 verður tvöfaldað frá og með maílokum. Leit hefur staðið sleitulaust yfir í um fjórtán mánuði, eða allt frá því að vélin hvarf af ratsjám yfir Indlandshafi hinn 8. mars 2014. 

Í yfirlýsingu sem malasísk stjórnvöld sendu frá sér í dag verður svæðið sem leitað verður á stækkað í 120 þúsund ferkílómetra. Hvorki tangur né tetur hefur fundist og er því gert ráð fyrir að leitin muni standa yfir í að minnsta kosti ár í viðbót. 

Ættingjar farþeganna fögnuðu þessari ákvörðun mjög, því áður hafði verið tilkynnt að dregið yrði úr leitinni í lok maí 2015.