Michael Moore á landinu

Bandaríski kvikmyndagerðamaðurinn Michael Moore er staddur á Íslandi og kom hann til landsins í dag.

Nútíminn greindi fyrst frá þessu en þar segir að Moore sé á landinu til að vinna að nýrri heimildarmynd um íslenska og norska heilbrigðiskerfið.

Moore er sennilega þekktasti heimildarmyndagerðamaður í heiminum en myndir á borð við Bowling for Columbine, sem hann fékk Óskarsverðlaun fyrir árið 2002,  og Fahrenheit 9/11 eru eftir kappann.

Helgi Kristinn setti í dag inn tíst um að Moore væri staddur á landinu og setti hann inn mynd af honum með gangandi um Leifsstöð með bandaríska fánann. 

Michael Moore er hress í Leifsstöð. "Welcome to Iceland" sagði hann pic.twitter.com/PElYINavJ9

— Helgi Kristinn (@HelgiKris) May 8, 2015