María Ólafs bragðar sushi í fyrsta sinn

Fyrra undanúrslitakvöld Eurovision er í kvöld en íslenska atriðið mun stíga á svið á fimmtudaginn. Íslendingarnir hafa unnið hörðum höndum við að gera atriðið sem best og að kynna það fyrir fólkinu í Vínarborg.

Hægt er að skyggnast bak við tjöldin þar úti með hjálp veraldarvefsins. Forritið Watchbox er nýtt af nálinni og hefur Eurovision hópurinn verið duglegur við að senda heim skondin atvik sem á daga þeirra drífa.

Hér má meðal annars sjá þegar gullfóturinn sjálfur, María Ólafs, pantar óvart sushi og bragðar slíkan mat í fyrsta skipti. Erfiðlega gengur að bragða bitana enda er hún örlítill klaufi með prjónana. Sjón er sögu ríkari en einnig má sjá frammistöðu fólksins í Eurovision-teiti og Friðrik Dór gæða sér á morgunverð.