Þessir sex berjast um þrjú sæti í Berlínarhópnum Óskar Ófeigur Jónsson skrifar 25. ágúst 2015 07:00 Fimmtán manna æfingahópur Íslands. Mynd/KKÍ/Gunnar Sverrisson Það er komið að því að skera niður íslenska æfingahópinn og velja þá tólf sem verða með þegar Ísland mætir Þýskalandi í Berlín í fyrsta leik sínum á Evrópumótinu. Íslenska landsliðið hefur spilað fimm æfingaleiki í lokaundirbúningnum sem þjálfarateymið hefur nýtt til þess að fá síðustu svörin áður en Craig Pedersen velur tólf manna hópinn sem verður tilkynntur í dag. Það þarf svo sem ekki að velta sér upp úr því hversu erfið þessi ákvörðun er en gott dæmi er að Fréttablaðið leitaði til margra af bestu þjálfurum landsins og enginn þeirra treysti sér til að velja tólf manna hópinn sinn opinberlega. Ein góð leið til að gera sér betur grein fyrir stöðu einstakra leikmanna í hópnum er að skoða spilatíma leikmanna í þessum fimm æfingaleikjum. Landsliðsþjálfararnir virðast þegar hafa skorið niður um einn þrátt fyrir að hafa ekki gefið það út formlega. Sigurður Þorvaldsson fór ekki með út til Eistlands og hann fékk líka aðeins að spila í rúmar tvær þýðingarlausar mínútur í blálokin í æfingaleikjunum við Holland. Það var því nokkuð ljóst að Sigurður var ekki inn í myndinni hjá Craig Pedersen og aðstoðarmönnum hans. Það eru því fjórtán leikmenn að berjast um tólf sæti og átta þeirra ættu að vera öruggir með sitt sæti í hópnum enda allt leikmenn sem hafa og eru að spila stórt hlutverk í leikjum liðsins. Helgi Már Magnússon hefur líka spilað sig í gang eftir meiðsli og verður örugglega með. Eftir standa fimm leikmenn en aðeins þrjú laus sæti. Hlynur Bæringsson er fyrirliði og mikilvægasti leikmaður íslenska liðsins. Hann hefur spilað langflestar mínútur í þessum æfingaleikjum og „varamenn“ hans eru líka í meirihluta af þeim sem hafa spilað minnst. Ef marka má fyrrnefndan spilatíma þá bendir margt til þess að þeir verði líka í meirihluta í niðurskurðinum. Það er vissulega áhætta að vera þunnskipaðir inni í teig en jafnframt þarf að finna hlutverk fyrir þá tólf leikmenn sem verða með á EM og flestir stóru strákar íslenska hópsins hafa lítið gert annað en að sitja á bekknum í þessum æfingaleikjum. Íslenska vörnin kallar á mikla og hraða fótavinnu og hún er mjög krefjandi fyrir hávaxna menn. Brynjar Þór Björnsson hefur nýtt sínar mínútur vel og minnt vel á sig með því að skora næstum því stig á mínútu (17 stig á 21 mínútu). Íslenska liðið er annars fullt af bakvörðum og því var góður möguleiki á því að Ægir Þór Steinarsson kæmist hreinlega ekki að. Ægir Þór hefur hins vegar fengið talsvert að spila og ljóst að þjálfararnir hafa hlutverk handa honum. Ef við notum spilaðar mínútur í æfingaleikjum sem mælikvarða þá verða Sigurður Gunnar Þorsteinsson og Axel Kárason ekki með á EM í Berlín. Ragnar Nathanaelsson hefur reyndar aðeins spilað í tæpar 25 mínútur í þessum fimm leikjum en það er afar ólíklegt að við skiljum eftir 218 sentímetra leikmann heima vitandi að íslenska liðið er að fara að glíma við hvern risann á fætur öðrum í þessum fimm leikjum á EM. Axel hefur skilað hlutverki „tólfta mannsins“ með glans í síðustu verkefnum liðsins og því gæti verið erfitt fyrir þjálfarana að velja hann ekki. Það breytir því samt ekki að það verður alltaf mjög erfitt að færa mönnum þær slæmu fréttir að þeir hafi dottið út á elleftu stundu. Fjarvera Jóns Arnórs Stefánssonar og Hauks Helga Pálssonar á mótinu í Eistalandi hefur vissulega skekkt aðeins myndina hvað varðar spilatímann í þessum æfingaleikjum og það verður því alltaf mjög fróðlegt að sjá hvaða tólf nöfn verða á listanum sögulega sem Craig Pedersen og aðstoðarmenn hans leggja fram í DHL-höll KR-inga í dag.Spilatími strákanna í æfingaleikjunum:Verða örugglega með á EM (Mínútur:Sekúndur) 1. Hlynur Bæringsson 153:19 2. Pavel Ermolinskij 138:05 3. Jakob Örn Sigurðarson 136:03 4. Hörður Axel Vilhjálmsson 123:22 5. Haukur Helgi Pálsson 96:13 (3 leikir) 6. Logi Gunnarsson 83:04 7. Martin Hermannsson 76:31 8. Helgi Már Magnússon 41:10 9. Jón Arnór Stefánsson 40:10 (2 leikir)Berjast um síðustu þrjú sætin 10. Ægir Þór Steinarsson 39:08 11. Ragnar Nathanaelsson 24:45 12. Brynjar Þór Björnsson 21:23 13. Axel Kárason 12:37 14. Sigurður Gunnar Þorsteinsson 10:52 15. Sigurður Þorvaldsson 2:18Eftir leikstöðum á vellinum:Bakverðir: 2. Pavel Ermolinskij 138:05 3. Jakob Örn Sigurðarson 136:03 4. Hörður Axel Vilhjálmsson 123:22 6. Logi Gunnarsson 83:04 7. Martin Hermannsson 76:31 9. Jón Arnór Stefánsson 40:10 (2 leikir) 10. Ægir Þór Steinarsson 39:08 12. Brynjar Þór Björnsson 21:23Framherjar: 5. Haukur Helgi Pálsson 96:13 (3 leikir) 8. Helgi Már Magnússon 41:10 13. Axel Kárason 12:37 15. Sigurður Þorvaldsson 2:18Miðherjar: 1. Hlynur Bæringsson 153:19 11. Ragnar Nathanaelsson 24:45 14. Sigurður Gunnar Þorsteinsson 10:52 EM 2015 í Berlín Mest lesið Í beinni: Valur - Breiðablik | Bikarinn fer á loft Íslenski boltinn Þurfti að leita til tannlæknis eftir vænan olnboga Körfubolti Liverpool með fjögurra stiga forskot á toppnum Enski boltinn Uppgjörið,viðtöl og myndir: Fram - Vestri 2-4 | Andri Rúnar með sýningu í sigri Vestra Íslenski boltinn Schmeichel lofsamar Landin: „Hugrakkasta fólk sem ég hef séð“ Fótbolti Skytturnar komu til baka gegn Dýrlingunum Enski boltinn Sigurður sótti silfur fyrstur Íslendinga til Makaó: „Rosalega stoltur“ Golf Meistararnir lentu undir en unnu samt Enski boltinn Áhorfendamet slegið í úrslitaleiknum Íslenski boltinn Sjáðu fáránleg mistök markvarðar Leeds Enski boltinn Fleiri fréttir Helena tekin inn í heiðurshöll TCU Telur að Thomas sé betri en Basile Þurfti að leita til tannlæknis eftir vænan olnboga Njarðvík leikur í IceMar-höllinni „Verðum að vera harðari“ „Borgarnes-Bjarni grjótharður í þessum leik“ Uppgjörið: Grindavík - ÍR 100-81 | Grindavík of stór biti fyrir nýliðana Uppgjörið: Stjarnan - Valur 95-81 | Sigur gegn meisturunum í fyrsta leik Allir nema einn völdu Clark sem nýliða ársins Uppgjörið: Þór Þ. - Njarðvík 93-90 | Þór vann græna slaginn „Ennisbandið var slegið af honum“ Maté: Erum að fara að tapa fullt af leikjum Uppgjörið: Álftanes - Keflavík 101-108 | Hasar og læti í framlengdum leik í Forsetahöllinni Uppgjörið: Tindastóll - KR 85-94 | KR-ingar mættir aftur Uppgjörið: Haukar - Höttur 80-108 | Ótrúlega öruggur sigur Hattar í Hafnarfirði Martin mátti þola tap í fyrsta leik EuroLeague Finnur Freyr í bann fyrir lætin í Keflavík Teitur í Ljónagryfjunni: „Eitthvað við húsið og söguna sem náði því besta úr mönnum“ Gaz-leikur Pavels: Stanslaust djamm gegn bingókvöldi „Þetta var ekki fallegt en við tökum tvö stigin“ Aþena með tuttugu stiga sigur í nýliðaslagnum Uppgjörið: Stjarnan - Keflavík 71-64 | Baráttuglaðar Stjörnustúlkur lögðu Íslandsmeistarana Ljónagryfjan kvödd: „Hérna var sagan skrifuð“ GAZið: „Ætla að reyna aðeins meira á mig“ Haukar og Valur byrja Bónus deildina á sigrum „Okkur fannst það skylda að klára með sigri“ Uppgjörið: Njarðvík - Grindavík 60-54 | Kvöddu Ljónagryfjuna með sigri Ljónagryfjan kvödd í kvöld Sævar og Stefán misstu andlitið í beinni: „Það leið næstum yfir mig“ Dikembe Mutombo látinn Sjá meira
Það er komið að því að skera niður íslenska æfingahópinn og velja þá tólf sem verða með þegar Ísland mætir Þýskalandi í Berlín í fyrsta leik sínum á Evrópumótinu. Íslenska landsliðið hefur spilað fimm æfingaleiki í lokaundirbúningnum sem þjálfarateymið hefur nýtt til þess að fá síðustu svörin áður en Craig Pedersen velur tólf manna hópinn sem verður tilkynntur í dag. Það þarf svo sem ekki að velta sér upp úr því hversu erfið þessi ákvörðun er en gott dæmi er að Fréttablaðið leitaði til margra af bestu þjálfurum landsins og enginn þeirra treysti sér til að velja tólf manna hópinn sinn opinberlega. Ein góð leið til að gera sér betur grein fyrir stöðu einstakra leikmanna í hópnum er að skoða spilatíma leikmanna í þessum fimm æfingaleikjum. Landsliðsþjálfararnir virðast þegar hafa skorið niður um einn þrátt fyrir að hafa ekki gefið það út formlega. Sigurður Þorvaldsson fór ekki með út til Eistlands og hann fékk líka aðeins að spila í rúmar tvær þýðingarlausar mínútur í blálokin í æfingaleikjunum við Holland. Það var því nokkuð ljóst að Sigurður var ekki inn í myndinni hjá Craig Pedersen og aðstoðarmönnum hans. Það eru því fjórtán leikmenn að berjast um tólf sæti og átta þeirra ættu að vera öruggir með sitt sæti í hópnum enda allt leikmenn sem hafa og eru að spila stórt hlutverk í leikjum liðsins. Helgi Már Magnússon hefur líka spilað sig í gang eftir meiðsli og verður örugglega með. Eftir standa fimm leikmenn en aðeins þrjú laus sæti. Hlynur Bæringsson er fyrirliði og mikilvægasti leikmaður íslenska liðsins. Hann hefur spilað langflestar mínútur í þessum æfingaleikjum og „varamenn“ hans eru líka í meirihluta af þeim sem hafa spilað minnst. Ef marka má fyrrnefndan spilatíma þá bendir margt til þess að þeir verði líka í meirihluta í niðurskurðinum. Það er vissulega áhætta að vera þunnskipaðir inni í teig en jafnframt þarf að finna hlutverk fyrir þá tólf leikmenn sem verða með á EM og flestir stóru strákar íslenska hópsins hafa lítið gert annað en að sitja á bekknum í þessum æfingaleikjum. Íslenska vörnin kallar á mikla og hraða fótavinnu og hún er mjög krefjandi fyrir hávaxna menn. Brynjar Þór Björnsson hefur nýtt sínar mínútur vel og minnt vel á sig með því að skora næstum því stig á mínútu (17 stig á 21 mínútu). Íslenska liðið er annars fullt af bakvörðum og því var góður möguleiki á því að Ægir Þór Steinarsson kæmist hreinlega ekki að. Ægir Þór hefur hins vegar fengið talsvert að spila og ljóst að þjálfararnir hafa hlutverk handa honum. Ef við notum spilaðar mínútur í æfingaleikjum sem mælikvarða þá verða Sigurður Gunnar Þorsteinsson og Axel Kárason ekki með á EM í Berlín. Ragnar Nathanaelsson hefur reyndar aðeins spilað í tæpar 25 mínútur í þessum fimm leikjum en það er afar ólíklegt að við skiljum eftir 218 sentímetra leikmann heima vitandi að íslenska liðið er að fara að glíma við hvern risann á fætur öðrum í þessum fimm leikjum á EM. Axel hefur skilað hlutverki „tólfta mannsins“ með glans í síðustu verkefnum liðsins og því gæti verið erfitt fyrir þjálfarana að velja hann ekki. Það breytir því samt ekki að það verður alltaf mjög erfitt að færa mönnum þær slæmu fréttir að þeir hafi dottið út á elleftu stundu. Fjarvera Jóns Arnórs Stefánssonar og Hauks Helga Pálssonar á mótinu í Eistalandi hefur vissulega skekkt aðeins myndina hvað varðar spilatímann í þessum æfingaleikjum og það verður því alltaf mjög fróðlegt að sjá hvaða tólf nöfn verða á listanum sögulega sem Craig Pedersen og aðstoðarmenn hans leggja fram í DHL-höll KR-inga í dag.Spilatími strákanna í æfingaleikjunum:Verða örugglega með á EM (Mínútur:Sekúndur) 1. Hlynur Bæringsson 153:19 2. Pavel Ermolinskij 138:05 3. Jakob Örn Sigurðarson 136:03 4. Hörður Axel Vilhjálmsson 123:22 5. Haukur Helgi Pálsson 96:13 (3 leikir) 6. Logi Gunnarsson 83:04 7. Martin Hermannsson 76:31 8. Helgi Már Magnússon 41:10 9. Jón Arnór Stefánsson 40:10 (2 leikir)Berjast um síðustu þrjú sætin 10. Ægir Þór Steinarsson 39:08 11. Ragnar Nathanaelsson 24:45 12. Brynjar Þór Björnsson 21:23 13. Axel Kárason 12:37 14. Sigurður Gunnar Þorsteinsson 10:52 15. Sigurður Þorvaldsson 2:18Eftir leikstöðum á vellinum:Bakverðir: 2. Pavel Ermolinskij 138:05 3. Jakob Örn Sigurðarson 136:03 4. Hörður Axel Vilhjálmsson 123:22 6. Logi Gunnarsson 83:04 7. Martin Hermannsson 76:31 9. Jón Arnór Stefánsson 40:10 (2 leikir) 10. Ægir Þór Steinarsson 39:08 12. Brynjar Þór Björnsson 21:23Framherjar: 5. Haukur Helgi Pálsson 96:13 (3 leikir) 8. Helgi Már Magnússon 41:10 13. Axel Kárason 12:37 15. Sigurður Þorvaldsson 2:18Miðherjar: 1. Hlynur Bæringsson 153:19 11. Ragnar Nathanaelsson 24:45 14. Sigurður Gunnar Þorsteinsson 10:52
EM 2015 í Berlín Mest lesið Í beinni: Valur - Breiðablik | Bikarinn fer á loft Íslenski boltinn Þurfti að leita til tannlæknis eftir vænan olnboga Körfubolti Liverpool með fjögurra stiga forskot á toppnum Enski boltinn Uppgjörið,viðtöl og myndir: Fram - Vestri 2-4 | Andri Rúnar með sýningu í sigri Vestra Íslenski boltinn Schmeichel lofsamar Landin: „Hugrakkasta fólk sem ég hef séð“ Fótbolti Skytturnar komu til baka gegn Dýrlingunum Enski boltinn Sigurður sótti silfur fyrstur Íslendinga til Makaó: „Rosalega stoltur“ Golf Meistararnir lentu undir en unnu samt Enski boltinn Áhorfendamet slegið í úrslitaleiknum Íslenski boltinn Sjáðu fáránleg mistök markvarðar Leeds Enski boltinn Fleiri fréttir Helena tekin inn í heiðurshöll TCU Telur að Thomas sé betri en Basile Þurfti að leita til tannlæknis eftir vænan olnboga Njarðvík leikur í IceMar-höllinni „Verðum að vera harðari“ „Borgarnes-Bjarni grjótharður í þessum leik“ Uppgjörið: Grindavík - ÍR 100-81 | Grindavík of stór biti fyrir nýliðana Uppgjörið: Stjarnan - Valur 95-81 | Sigur gegn meisturunum í fyrsta leik Allir nema einn völdu Clark sem nýliða ársins Uppgjörið: Þór Þ. - Njarðvík 93-90 | Þór vann græna slaginn „Ennisbandið var slegið af honum“ Maté: Erum að fara að tapa fullt af leikjum Uppgjörið: Álftanes - Keflavík 101-108 | Hasar og læti í framlengdum leik í Forsetahöllinni Uppgjörið: Tindastóll - KR 85-94 | KR-ingar mættir aftur Uppgjörið: Haukar - Höttur 80-108 | Ótrúlega öruggur sigur Hattar í Hafnarfirði Martin mátti þola tap í fyrsta leik EuroLeague Finnur Freyr í bann fyrir lætin í Keflavík Teitur í Ljónagryfjunni: „Eitthvað við húsið og söguna sem náði því besta úr mönnum“ Gaz-leikur Pavels: Stanslaust djamm gegn bingókvöldi „Þetta var ekki fallegt en við tökum tvö stigin“ Aþena með tuttugu stiga sigur í nýliðaslagnum Uppgjörið: Stjarnan - Keflavík 71-64 | Baráttuglaðar Stjörnustúlkur lögðu Íslandsmeistarana Ljónagryfjan kvödd: „Hérna var sagan skrifuð“ GAZið: „Ætla að reyna aðeins meira á mig“ Haukar og Valur byrja Bónus deildina á sigrum „Okkur fannst það skylda að klára með sigri“ Uppgjörið: Njarðvík - Grindavík 60-54 | Kvöddu Ljónagryfjuna með sigri Ljónagryfjan kvödd í kvöld Sævar og Stefán misstu andlitið í beinni: „Það leið næstum yfir mig“ Dikembe Mutombo látinn Sjá meira
Uppgjörið,viðtöl og myndir: Fram - Vestri 2-4 | Andri Rúnar með sýningu í sigri Vestra Íslenski boltinn
Uppgjörið,viðtöl og myndir: Fram - Vestri 2-4 | Andri Rúnar með sýningu í sigri Vestra Íslenski boltinn