Chanel opnar sýningu í London

Chanel aðdáendur sem staddir eru í London ættu að taka morgundaginn frá, því á morgun, 13.október opnar sýningin Mademoiselle Privé í Saatchi Gallery í London.

Er sýningunni lýst sem hrifnæmu ferðalagi í gegnum sögu og hönnun Chanel, bæði á skarti og fatnaði hönnuðu af sjálfri Coco Chanel og Karl Lagerfeld.

Í tilefni sýningarinnar myndaði Karl Lagerfeld fyrirsætur og leikkonur íklæddar Chanel og með skartgripi frá merkinu. Hér fyrir neðan má sjá myndband frá tökunum.

Á sýningunni er einnig hægt að fara á stutt námskeið, bæði í hátískuútsaumi og blómagerð. Að auki er hægt að fara á sérstaka kynningu á frægasta ilmvatni merkisins, Chanel no 5 og kynnast uppbyggingu þess.

Aðgangur á sýninguna er ókeypis og stendur hún yfir til 1.nóvember og má finna frekari upplýsingar um sýninguna hér.