Bankasýsla ríkisins útilokar ekki að einkavæða hluta bankanna á næsta ári

Bankasýsla ríkisins útilokar ekki að bæði Íslandsbanki og Landsbankinn verði einkavæddir að hluta á næsta ári. Forsvarsmenn Íslandsbanka telja að tækifæri sé til sölu væntanlegs ríkishlutar árið 2016. Þessu greinir Bloomberg Business frá.

Í greininni er haft eftir Jóni Gunnari Jónssyni, forstjóra Bankasýslu ríkisins, að almenningur búist við að hluti bankanna verði seldir á næsta ári. Gengið verði úr skugga um að ekki of stór hluti bankanna verði seldur á sama tíma til að viðhalda jafnvægi á markaði. Jón Gunnar segir að á næsta ári sé hægt að líta til einkavæðingar bankanna. Hann útilokar því ekki að bæði Íslandsbanki og Landsbankinn verði einkavæddir að hluta á næsta ári.