Skemmtilegast að blanda öllu saman Gunnar Leó Pálsson skrifar 14. desember 2015 09:45 Nanna Kristín og Ólafur Darri, sem leikur aðalhlutverkið í stuttmyndinni fara hér yfir málin. Fréttablaðið/stefán Nanna Kristín Magnúsdóttir, leikkona og handritshöfundur, fékk á dögunum framleiðslustyrk frá Kvikmyndasjóði Íslands fyrir nýrri stuttmynd sinni sem ber nafnið Ungar og mun stórleikarinn Ólafur Darri leika aðalhlutverkið. Þetta er önnur stuttmyndin sem Nanna Kristín leikstýrir, því hún sendi frá sér stuttmyndina Tvíliðaleikur árið 2013 en myndin hefur vakið mikla athygli. „Ég skrifaði Tvíliðaleikinn í námi mínu í Vancouver þar sem ég var að læra handritaskrif fyrir kvikmyndir og sjónvarp. Þá var ég ekkert að sækja um styrk hjá Kvikmyndasjóði því ég vildi prófa mig áfram án allra fjárhagslegra skuldbindinga, smá hrædd um að ég hefði ekkert í leikstjórahlutverkið að gera og þess háttar ótti í manni,“ segir Nanna Kristín. Sá ótti var hins vegar ástæðulaus því myndin var frumsýnd á alþjóðlegu kvikmyndahátíðinni í Toronto og hefur farið víða og hlotið prýðis dóma. „Myndin er núna búin að fara góðan rúnt um allar helstu kvikmyndahátíðirnar. Hún er fáanleg á iTunes og RÚV búið að kaupa sýningarréttinn sem er stór plús, þá veit maður að fólkið í landinu mun sjá afraksturinn,“ bætir Nanna Kristín við.Fjallar um neikvæðar staðalmyndir Eins og fyrr segir fékk hún styrk fyrir nýju myndinni en Zik Zak kvikmyndir, Askja Films og Skot Productions framleiða myndina ásamt Nönnu Kristínu sjálfri. Kvikmyndatöku annast Árni Filippusson, Drífa Freyju-Ármannsdóttir hannar leikmynd og Margrét Einarsdóttir búninga. Ungar fjallar um neikvæðar staðalmyndir um ákveðna hópa samfélagsins. Ólafur Darri leikur einstæðan föður sem vill verða við þeirri einföldu ósk dóttur sinnar að halda fjörugt náttfatapartí með vinkonum sínum. Það reynist honum hins vegar þrautin þyngri. Spurð út í hvort það sé skemmtilegra að leikstýra heldur en leika segir Nanna Kristín hvort tveggja vera skemmtilegt. „Mér finnst skemmtilegast að blanda þessu öllu saman, ég hef unnið hörðum höndum að því undanfarin ár að geta leyft mér að vinna sjálfstætt sem listamaður. Mér finnst spennandi að geta brugðið mér í ábyrgðarhlutverk framleiðandans, vinna með frásagnarform handritshöfundarins, haft skapandi sýn leikstjórans og síðan er hlutverk leikarans mér afar kært,“ segir Nanna Kristín. Tökur á Ungum fara fram í febrúar 2016 og er undirbúningur kominn á fullt. Eins og áður sagði fer Ólafur Darri Ólafsson með hlutverk föðurins en leit stendur yfir að 10-11 ára stúlkum í þrjú helstu kvenhlutverkin, auk leikkvenna í önnur hlutverk.Nanna Kristín segist hafa unnið hörðum höndum að því undanfarin ár að geta leyft sér að vinna sjálfstætt sem listamaður. Fréttablaðið/StefánNanna Kristín er ekkert að stressa sig á því að koma myndinni út sem fyrst. „Ég er ekki að horfa á að reyna koma henni út fyrir einhverja sérstaka hátíð, myndin verður bara tilbúin þegar hún er tilbúin. Það er líka frumsamin tónlist í myndinni þannig að þetta tekur allt tíma.“ Tónlistarkonan Þórunn Antonía semur þemalag myndarinnar.Vinnur einnig að heimildarmynd Meðfram stuttmyndinni er hún einnig að vinna að heimildarmynd um stöðu kvenna í íslenskum kvikmyndageira. „Við Hallur Örn Árnason erum að vinna heimildarmynd sem byggist á óformlegri rannsókn á stöðu kvenna í íslenskri kvikmyndagerð og um hvort það séu færri tækifæri fyrir konur í þessum bransa. Hugmyndin að þessari mynd kom þegar ég vann Tvíliðaleikinn, þá var maður eitthvað svo smeykur við að koma sér fyrir í þessum harða heimi. Við Hallur fórum í kjölfarið að spjalla og ákváðum að kýla á þetta. Við tökum viðtöl við konur og karlmenn innan kvikmyndageirans og veltum upp öllum þeim spurningum sem vakna varðandi þetta efni. Efnið virðist vera ansi eldfimt og það er áhugavert að sjá að skoðanir viðmælenda hafa lítið með kyn að gera.“ Hallur Örn fylgdi Nönnu Kristínu eftir við gerð Tvíliðaleiksins og ætlar einnig að fylgja henni eftir við gerð Unga og er heimildarmyndin því væntanleg á eftir Ungum. Bíó og sjónvarp Menning Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Gátu ekki talað saman fyrir syngjandi þjónum Lífið Sykursalur orðinn einn vinsælasti veislusalur Reykjavíkur Lífið samstarf Bergrún Íris og Kolbrún keyptu í Hafnarfirði Lífið Fanney Dóra og Aron gáfu syninum nafn Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira
Nanna Kristín Magnúsdóttir, leikkona og handritshöfundur, fékk á dögunum framleiðslustyrk frá Kvikmyndasjóði Íslands fyrir nýrri stuttmynd sinni sem ber nafnið Ungar og mun stórleikarinn Ólafur Darri leika aðalhlutverkið. Þetta er önnur stuttmyndin sem Nanna Kristín leikstýrir, því hún sendi frá sér stuttmyndina Tvíliðaleikur árið 2013 en myndin hefur vakið mikla athygli. „Ég skrifaði Tvíliðaleikinn í námi mínu í Vancouver þar sem ég var að læra handritaskrif fyrir kvikmyndir og sjónvarp. Þá var ég ekkert að sækja um styrk hjá Kvikmyndasjóði því ég vildi prófa mig áfram án allra fjárhagslegra skuldbindinga, smá hrædd um að ég hefði ekkert í leikstjórahlutverkið að gera og þess háttar ótti í manni,“ segir Nanna Kristín. Sá ótti var hins vegar ástæðulaus því myndin var frumsýnd á alþjóðlegu kvikmyndahátíðinni í Toronto og hefur farið víða og hlotið prýðis dóma. „Myndin er núna búin að fara góðan rúnt um allar helstu kvikmyndahátíðirnar. Hún er fáanleg á iTunes og RÚV búið að kaupa sýningarréttinn sem er stór plús, þá veit maður að fólkið í landinu mun sjá afraksturinn,“ bætir Nanna Kristín við.Fjallar um neikvæðar staðalmyndir Eins og fyrr segir fékk hún styrk fyrir nýju myndinni en Zik Zak kvikmyndir, Askja Films og Skot Productions framleiða myndina ásamt Nönnu Kristínu sjálfri. Kvikmyndatöku annast Árni Filippusson, Drífa Freyju-Ármannsdóttir hannar leikmynd og Margrét Einarsdóttir búninga. Ungar fjallar um neikvæðar staðalmyndir um ákveðna hópa samfélagsins. Ólafur Darri leikur einstæðan föður sem vill verða við þeirri einföldu ósk dóttur sinnar að halda fjörugt náttfatapartí með vinkonum sínum. Það reynist honum hins vegar þrautin þyngri. Spurð út í hvort það sé skemmtilegra að leikstýra heldur en leika segir Nanna Kristín hvort tveggja vera skemmtilegt. „Mér finnst skemmtilegast að blanda þessu öllu saman, ég hef unnið hörðum höndum að því undanfarin ár að geta leyft mér að vinna sjálfstætt sem listamaður. Mér finnst spennandi að geta brugðið mér í ábyrgðarhlutverk framleiðandans, vinna með frásagnarform handritshöfundarins, haft skapandi sýn leikstjórans og síðan er hlutverk leikarans mér afar kært,“ segir Nanna Kristín. Tökur á Ungum fara fram í febrúar 2016 og er undirbúningur kominn á fullt. Eins og áður sagði fer Ólafur Darri Ólafsson með hlutverk föðurins en leit stendur yfir að 10-11 ára stúlkum í þrjú helstu kvenhlutverkin, auk leikkvenna í önnur hlutverk.Nanna Kristín segist hafa unnið hörðum höndum að því undanfarin ár að geta leyft sér að vinna sjálfstætt sem listamaður. Fréttablaðið/StefánNanna Kristín er ekkert að stressa sig á því að koma myndinni út sem fyrst. „Ég er ekki að horfa á að reyna koma henni út fyrir einhverja sérstaka hátíð, myndin verður bara tilbúin þegar hún er tilbúin. Það er líka frumsamin tónlist í myndinni þannig að þetta tekur allt tíma.“ Tónlistarkonan Þórunn Antonía semur þemalag myndarinnar.Vinnur einnig að heimildarmynd Meðfram stuttmyndinni er hún einnig að vinna að heimildarmynd um stöðu kvenna í íslenskum kvikmyndageira. „Við Hallur Örn Árnason erum að vinna heimildarmynd sem byggist á óformlegri rannsókn á stöðu kvenna í íslenskri kvikmyndagerð og um hvort það séu færri tækifæri fyrir konur í þessum bransa. Hugmyndin að þessari mynd kom þegar ég vann Tvíliðaleikinn, þá var maður eitthvað svo smeykur við að koma sér fyrir í þessum harða heimi. Við Hallur fórum í kjölfarið að spjalla og ákváðum að kýla á þetta. Við tökum viðtöl við konur og karlmenn innan kvikmyndageirans og veltum upp öllum þeim spurningum sem vakna varðandi þetta efni. Efnið virðist vera ansi eldfimt og það er áhugavert að sjá að skoðanir viðmælenda hafa lítið með kyn að gera.“ Hallur Örn fylgdi Nönnu Kristínu eftir við gerð Tvíliðaleiksins og ætlar einnig að fylgja henni eftir við gerð Unga og er heimildarmyndin því væntanleg á eftir Ungum.
Bíó og sjónvarp Menning Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Gátu ekki talað saman fyrir syngjandi þjónum Lífið Sykursalur orðinn einn vinsælasti veislusalur Reykjavíkur Lífið samstarf Bergrún Íris og Kolbrún keyptu í Hafnarfirði Lífið Fanney Dóra og Aron gáfu syninum nafn Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira