Þetta kemur fólki í gírinn fyrir stóru stundina | Myndband

Það styttist óðum í bardaga Gunnars Nelson og Demian Maian í MGM Grand Garden Arena í Las Vegas.

Bardagi Gunnars og Maia er einn af aðalbardögum kvöldsins sem er það stærsta í sögu UFC.

Til að koma sér í gírinn fyrir stóru stundina er tilvalið að horfa á upphitunarmyndband fyrir bardagann sem Stefán Snær Geirmundsson útbjó fyrir Vísi. Myndbandið má sjá hér að ofan.

Bardagi Gunnars og Maia hefst líklega í kringum 3:30 í nótt en hann verður sýndur í beinni útsendingu á Stöð 2 Sport.

Þá mun okkar maður á staðnum, Henry Birgir Gunnarsson, lýsa því sem fyrir augu ber í beinni textalýsingu á Vísi.