Gunnar: Mætti halda að jólasveinninn byggi heima hjá mömmu

Gunnar Nelson var í hópi þeirra bardagamanna sem sagði frá jólahefðum sínum í myndbandi sem var birt á fréttavefnum mmajunkie.com á dögunum.

Gunnar segir frá jólahaldi fjölskyldu sinnar og hvernig móðir hans skreytir húsið sitt.

„Ég veit ekki hvernig ég á að lýsa þessu. Það mætti bókstaflega halda að jólasveinninn byggi þarna,“ sagði Gunnar í viðtalinu sem hefst eftir rúma mínútu.

Sjá einnig: Gunnar Nelson átti eina af tíu bestu hengingum ársins í UFC

Hann segir svo frá íslenska snjónum og rólegheitunum sem fylgir jólunum á heimili Gunnars, og svo auðvitað rjúpunni.

„Ég veit reyndar ekki hvað fuglinn heitir á ensku,“ segir Gunnar sem lýsti því svo hvernig maður eldar rjúpu og hvaða meðlæti tilheyrir.

Viðtalið má sjá í hér en þess ber að geta að flestir enskumælandi kalla rjúpu „ptarmigan“ en hún er einnig þekkt sem „snow chicken“ í Bandaríkjunum.