Samspil og sóló

Gunnlaugur Björnsson gítarleikari og Hafdís Vigfúsdóttir flautuleikari spila í Hafnarborg í Hafnarfirði á morgun, sunnudag, klukkan 20.

Verkin eru eftir Barlow, Halldór Smárason, Rautavaara og japanska tónskáldið Takemitsu.

Verk þess síðastnefnda, Towards the sea, er byggt á sögunni Moby Dick eftir Melville og samið fyrir Greenpeace. Það er eitt stærsta tónverk sem samið hefur verið fyrir gítar og flautu. Á tónleikunum skiptir Gunnlaugur á milli þriggja gítara og Hafdís leikur á þrjár flautur.