Þar lágu Danir í því Birta Björnsdóttir skrifar 29. janúar 2016 07:00 Eða sko ekki Danir sjálfir, þeir hafa það upp til hópa alveg ágætt held ég. Kannski á fyrirsögnin betur við þá sem sækja á náðir velmegunarinnar í Danaveldi. Umræða um fólk af öðru þjóðerni sem sest að í Danmörku er ekki ný af nálinni. Það er grunnt á aðgreiningunni í tungumálinu til að mynda. Enn er oft talað um annars- og þriðju kynslóðar innflytjendur, þegar verið er að tala um fólk fætt og uppalið þar í landi. Fyrr í vikunni samþykkti danska þingið svo afar umdeilt frumvarp sem heimilar yfirvöldum að gera upptækar eignir hælisleitenda. Gagnrýni hefur rignt yfir stjórnvöld bæði innan lands og utan. Forsætisráðherrann Lars Løkke Rasmussen grípur í sama hálmstrá og fleiri í hans sporum og segist misskilinn. Með frumvarpinu sé eingöngu verið að passa að hælisleitendur sitji við sama borð og atvinnulausir Danir, sem þurfa að selja hluta eigna sinna til að geta farið fram á bætur frá ríkinu. Ekki er einungis verið að slá vafasaman tón með því að ýja að því að hópar sem flýja stríðsátök heimafyrir geri það öðrum þræði til að geta haft það huggulegt fyrir annarra manna skattpeninga. Þarna er einnig um að ræða einhverja öfugsnúnustu aðgerð í þessum efnum sem um getur. Gefur ekki augaleið að það að „leyfa“ hælisleitendum að koma sér fyrir í nýju landi með öll sín verðmæti er vænlegra til árangurs? Skiptir þá litlu hvort verðmætin eru í formi menntunar, starfsreynslu, fjármuna eða fjölskyldu. Fólk sem fær að mæta með allt sitt til leiks hlýtur að vera líklegra til að aðlagast samfélagi sem jafningi þeirra sem búa þar fyrir. Danir eru kannski betri en við í handbolta og Júróvisjón en við skulum vera betri en þeir á öðrum sviðum. Viltu birta grein á Vísi? Sendu okkur póst. Senda grein Birta Björnsdóttir Mest lesið Halldór 5.10.2024 Jón Þór Stefánsson Halldór Eignafólk græðir mikið á vaxtastefnu Seðlabankans Stefán Ólafsson Skoðun Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun Spilling á Íslandi: Erum við að missa tökin? Ágústa Árnadóttir Skoðun Sleppum brúnni og förum betri leið framhjá Selfossi Elliði Vignisson Skoðun Af ofurhetjum og störfum þeirra Kristín Björnsdóttir Skoðun Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun Uppeldi frá gamla einmenningar eins-skin-litar viðhorfum Matthildur Björnsdóttir Skoðun Að dansa í regninu Lóa Björk Ólafsdóttir Skoðun Einstakur atburður og viðbúnaður Marinó G. Njálsson Skoðun
Eða sko ekki Danir sjálfir, þeir hafa það upp til hópa alveg ágætt held ég. Kannski á fyrirsögnin betur við þá sem sækja á náðir velmegunarinnar í Danaveldi. Umræða um fólk af öðru þjóðerni sem sest að í Danmörku er ekki ný af nálinni. Það er grunnt á aðgreiningunni í tungumálinu til að mynda. Enn er oft talað um annars- og þriðju kynslóðar innflytjendur, þegar verið er að tala um fólk fætt og uppalið þar í landi. Fyrr í vikunni samþykkti danska þingið svo afar umdeilt frumvarp sem heimilar yfirvöldum að gera upptækar eignir hælisleitenda. Gagnrýni hefur rignt yfir stjórnvöld bæði innan lands og utan. Forsætisráðherrann Lars Løkke Rasmussen grípur í sama hálmstrá og fleiri í hans sporum og segist misskilinn. Með frumvarpinu sé eingöngu verið að passa að hælisleitendur sitji við sama borð og atvinnulausir Danir, sem þurfa að selja hluta eigna sinna til að geta farið fram á bætur frá ríkinu. Ekki er einungis verið að slá vafasaman tón með því að ýja að því að hópar sem flýja stríðsátök heimafyrir geri það öðrum þræði til að geta haft það huggulegt fyrir annarra manna skattpeninga. Þarna er einnig um að ræða einhverja öfugsnúnustu aðgerð í þessum efnum sem um getur. Gefur ekki augaleið að það að „leyfa“ hælisleitendum að koma sér fyrir í nýju landi með öll sín verðmæti er vænlegra til árangurs? Skiptir þá litlu hvort verðmætin eru í formi menntunar, starfsreynslu, fjármuna eða fjölskyldu. Fólk sem fær að mæta með allt sitt til leiks hlýtur að vera líklegra til að aðlagast samfélagi sem jafningi þeirra sem búa þar fyrir. Danir eru kannski betri en við í handbolta og Júróvisjón en við skulum vera betri en þeir á öðrum sviðum.
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun