Hvetur Chris Rock til að hætta við að koma fram á Óskarnum

Söngvarinn og leikarinn Tyrese Gibson hefur gengið til liðs við þá sem ætla sér að sniðganga Óskarsverðlaunahátíðina þar sem engir þeldökkir leikarar eru tilnefndir til verðlauna. Annað árið í röð. Gibson segir að kynnir hátíðarinnar, Chris Rock, eigi að hætta við að koma fram.

Hann segir ekki nokkra leið fyrir Chris Rock að segja brandara, ræða málefnið og í senn vera kynnir. „Yfirlýsingin þín á að vera það að hætta við,“ sagði Gibson við People. Myndband af ummælum hans má sjá hér að neðan.

Gibson líkti þessu umdeilda máli við réttindi hinsegin fólks. Ef þau væru sniðgengin af Akademíunni, sem velur verðlaunahafa, og Chris Rock væri samkynhneigður, væri hann þegar búinn að hætta við.

Hann hrósaði Spike Lee og Jada Pinkett Smith, sem hafa þegar sagst ætla að sniðganga verðlaunahátíðina, en sagði að fólk þyrfti að gera meira en að segja sína skoðun.

„Ef þér finnst þú vera skilinn útundan, allsstaðar, þá situr þú ekki bara á höndunum og kvartar. Þú lagar það.“

Chris Rock do the right thing make a statement - were relying on you to DO the right thing..... There is NO JOKE YOU CAN CRACK TO EVER CHANGE THE WAY WE ALL FEEL!!!!!!!!!!!!!!!!!!!!!

A photo posted by TYRESE (@tyrese) on Jan 19, 2016 at 11:12am PST