Bandaríska sveitin fær tækifæri til að bæta upp fyrir klúðrið í dag

Sveit Bandaríkjanna fær annað tækifæri til að tryggja sér sæti í úrslitum í 4x100 metra hlaupi.

Bandaríska sveitin keppti í undanúrslitunum fyrr í dag og klúðraði sínum málum þegar skipting á milli Allyson Felix og English Gardner misheppnaðist.

Þrátt fyrir þessi mistök fær bandaríska liðið, sem er ríkjandi Ólympíumeistari í greininni, annað tækifæri til að komast áfram seinna í kvöld.

Bandarísku stelpurnar þurfa þá að ná betri tíma en Kína (42,70) sem var með áttunda besta tímann í undanúrslitunum.

Sveit Jamaíku var með besta tímann í undanúrslitunum (41,79) en næst kom sveit Bretlands (41,93).