Sara lék í rúman hálftíma í fyrsta leiknum fyrir Wolfsburg

Sara Björk Gunnarsdóttir lék í rúman hálftíma þegar Wolfsburg gerði markalaust jafntefli við Sand á útivelli í 1. umferð þýsku úrvalsdeildarinnar í fótbolta í dag.

Þetta var fyrsti leikur Söru fyrir Wolfsburg en hún kom til liðsins frá sænsku meisturunum í Rosengård.

Sara byrjaði á bekknum en kom inn á sem varamaður á 59. mínútu fyrir hina ungversku Zsanett Jakabfi.

Wolfsburg, sem hefur tvisvar sinnum orðið þýskur meistari, endaði í 2. sæti þýsku deildarinnar á síðasta tímabili, 10 stigum á eftir meisturum Bayern München.

Næsti leikur Wolfsburg er gegn Bayer Leverkusen eftir viku.