Kvikmyndahátíðin Northern Wave færð í Frystiklefann á Rifi Sara McMahon skrifar 14. september 2016 08:00 Kvikmyndagerðarkonan og framleiðandinn Dögg Mósesdóttir er stofnandi Northern Wave. Hátíðin verður haldin í níunda sinn þann 21. október. vísir/Ernir Stuttmynda- og tónlistarhátíðin Northern Wave fer fram í níunda sinn þann 21 til 23 október. Hátíðin hefur frá upphafi farið verið haldin á Grundarfirði á Snæfellsnesi en hefur nú verið færð í Frystiklefann á Rifi sökum skorts á gistirými. Þetta er í annað sinn sem Northern Wave er færð vegna vöntunar á gistiplássi. Kvikmyndagerðarkonan og framleiðandinn Dögg Mósesdóttir er stofnandi Northern Wave. Hún er fædd og uppalin á Grundarfirði og setti hátíðina á fót í samvinnu við Menningarsjóð Vesturlands á sínum tíma í þeim tilgangi að efla menningarlíf bæjarins og laða að gesti utan hins hefðbundna ferðamannatíma. Mikill viðsnúningur hefur nú orðið og með auknu flæði ferðamanna til landsins hefur reynst erfiðara að hýsa gesti hátíðarinnar. „Það er vissulega stúss að færa heila hátíð fyrst um árstíma og núna úr einu bæjarfélagi í annað, en að sama skapi gefur það manni nýja orku að prófa hátíðina við nýjan bæ – það er næstum eins og ég sé að halda hátíðina í fyrsta sinn ... aftur,“ segir Dögg og hlær. „Mér finnst líka skemmtilegt að opna enn frekar á samskiptin milli bæjanna á Snæfellsnesinu og um leið leggja mitt af mörkum við að reyna að útrýma þessum gamla ríg sem ríkir milli þeirra.“ Dagskráin í ár býður upp á nokkrar spennandi nýjungar, þar á meðal vídeó listaverk og námskeið í hreyfimyndagerð fyrir grunnskólabörn. Að sögn Daggar verður viðburðum dreift meira um svæðið en áður og verða námskeið meðal annars haldin á Ólafsvík. „Við munum leggja sérstaka áherslu á vídeóverk í ár. Við höfum ekki gert það áður því við höfum ekki haft sal til þess en núna getum við verið með sýningar í tveimur sölum og því boðið upp á fleiri og öðruvísi sýningar. Hátíðin fer fram sömu helgi og vetrarfrí grunnskólanna og dagskráin tekur mið af því – við vonumst til að fjölskyldufólk leggi leið sína til okkar.“ Frítt er inn á allar sýningar hátíðarinnar en vægt gjald rukkað inn á aðra viðburði, líkt og námskeið og böll. Áhugasamir geta skráð sig á námskeiðin í gegnum heimasíðu hátíðarinnar eða með því að senda póst á info@northernwavefilmfestival.com.Greinin birtist fyrst í Fréttablaðinu þann 14. september. Bíó og sjónvarp Birtist í Fréttablaðinu Mest lesið Hringdi í mömmu sem sagði einfaldlega: „Nói, nú kemur þú heim“ Áskorun Óraunverulegt að kaupa íbúð í miðborg London Lífið Sonur Tinu Turner látinn Lífið Sat uppi með útgáfu af sjálfri sér sem hún kunni ekki við Lífið Matarást: „Búin að slípast vel saman eftir öll þessi ár“ Makamál Krakkatían: Bannað að hlæja, Friðarsúlan og Iceguys Lífið Sama hvað öllum finnst, nema mömmu og pabba Tónlist Kraftaverkasaga: „Mun ég aldrei sjá þau aftur?“ Áskorun Óöruggur eftir að kærastan stundaði hópkynlíf erlendis Lífið „Rétturinn sem fjölskyldan þín mun elska og biðja um aftur og aftur“ Lífið Fleiri fréttir Rússar meina kvikmyndagerðarmanni að koma til Íslands Weerasethakul og Corbijn hlutu heiðursverðlaun RIFF Simpsons-fjölskyldan snýr aftur á hvíta tjaldið Nextar og Sinclair sýna þætti Kimmels aftur Hanna Björk verðlaunuð af leikstjórum á Norðurlöndum Vaða beint í aðra bók eftir Sigríði Hagalín Baywatch aftur á skjáinn Fluttur á spítala eftir mislukkað áhættuatriði Bestu hlutverk Roberts Redford: Sjarmatröll og skilgreiningin á kvikmyndastjörnu Tjáir sig um erfiðar tökur: Engir meðleikarar og enginn leikstjóri Konráðs-bækur Arnaldar á leið á skjáinn Tjáði sig um ástarsambandið sem splundraði tveimur hjónaböndum Sophie Turner verður Lara Croft Strax búinn að tilkynna Ofurmenni morgundagsins Kim Novak heiðursgestur RIFF Barðist við tárin yfir fimmtán mínútna lófataki Langþráður draumur að halda hinsegin kvikmyndahátíð Sjá meira
Stuttmynda- og tónlistarhátíðin Northern Wave fer fram í níunda sinn þann 21 til 23 október. Hátíðin hefur frá upphafi farið verið haldin á Grundarfirði á Snæfellsnesi en hefur nú verið færð í Frystiklefann á Rifi sökum skorts á gistirými. Þetta er í annað sinn sem Northern Wave er færð vegna vöntunar á gistiplássi. Kvikmyndagerðarkonan og framleiðandinn Dögg Mósesdóttir er stofnandi Northern Wave. Hún er fædd og uppalin á Grundarfirði og setti hátíðina á fót í samvinnu við Menningarsjóð Vesturlands á sínum tíma í þeim tilgangi að efla menningarlíf bæjarins og laða að gesti utan hins hefðbundna ferðamannatíma. Mikill viðsnúningur hefur nú orðið og með auknu flæði ferðamanna til landsins hefur reynst erfiðara að hýsa gesti hátíðarinnar. „Það er vissulega stúss að færa heila hátíð fyrst um árstíma og núna úr einu bæjarfélagi í annað, en að sama skapi gefur það manni nýja orku að prófa hátíðina við nýjan bæ – það er næstum eins og ég sé að halda hátíðina í fyrsta sinn ... aftur,“ segir Dögg og hlær. „Mér finnst líka skemmtilegt að opna enn frekar á samskiptin milli bæjanna á Snæfellsnesinu og um leið leggja mitt af mörkum við að reyna að útrýma þessum gamla ríg sem ríkir milli þeirra.“ Dagskráin í ár býður upp á nokkrar spennandi nýjungar, þar á meðal vídeó listaverk og námskeið í hreyfimyndagerð fyrir grunnskólabörn. Að sögn Daggar verður viðburðum dreift meira um svæðið en áður og verða námskeið meðal annars haldin á Ólafsvík. „Við munum leggja sérstaka áherslu á vídeóverk í ár. Við höfum ekki gert það áður því við höfum ekki haft sal til þess en núna getum við verið með sýningar í tveimur sölum og því boðið upp á fleiri og öðruvísi sýningar. Hátíðin fer fram sömu helgi og vetrarfrí grunnskólanna og dagskráin tekur mið af því – við vonumst til að fjölskyldufólk leggi leið sína til okkar.“ Frítt er inn á allar sýningar hátíðarinnar en vægt gjald rukkað inn á aðra viðburði, líkt og námskeið og böll. Áhugasamir geta skráð sig á námskeiðin í gegnum heimasíðu hátíðarinnar eða með því að senda póst á info@northernwavefilmfestival.com.Greinin birtist fyrst í Fréttablaðinu þann 14. september.
Bíó og sjónvarp Birtist í Fréttablaðinu Mest lesið Hringdi í mömmu sem sagði einfaldlega: „Nói, nú kemur þú heim“ Áskorun Óraunverulegt að kaupa íbúð í miðborg London Lífið Sonur Tinu Turner látinn Lífið Sat uppi með útgáfu af sjálfri sér sem hún kunni ekki við Lífið Matarást: „Búin að slípast vel saman eftir öll þessi ár“ Makamál Krakkatían: Bannað að hlæja, Friðarsúlan og Iceguys Lífið Sama hvað öllum finnst, nema mömmu og pabba Tónlist Kraftaverkasaga: „Mun ég aldrei sjá þau aftur?“ Áskorun Óöruggur eftir að kærastan stundaði hópkynlíf erlendis Lífið „Rétturinn sem fjölskyldan þín mun elska og biðja um aftur og aftur“ Lífið Fleiri fréttir Rússar meina kvikmyndagerðarmanni að koma til Íslands Weerasethakul og Corbijn hlutu heiðursverðlaun RIFF Simpsons-fjölskyldan snýr aftur á hvíta tjaldið Nextar og Sinclair sýna þætti Kimmels aftur Hanna Björk verðlaunuð af leikstjórum á Norðurlöndum Vaða beint í aðra bók eftir Sigríði Hagalín Baywatch aftur á skjáinn Fluttur á spítala eftir mislukkað áhættuatriði Bestu hlutverk Roberts Redford: Sjarmatröll og skilgreiningin á kvikmyndastjörnu Tjáir sig um erfiðar tökur: Engir meðleikarar og enginn leikstjóri Konráðs-bækur Arnaldar á leið á skjáinn Tjáði sig um ástarsambandið sem splundraði tveimur hjónaböndum Sophie Turner verður Lara Croft Strax búinn að tilkynna Ofurmenni morgundagsins Kim Novak heiðursgestur RIFF Barðist við tárin yfir fimmtán mínútna lófataki Langþráður draumur að halda hinsegin kvikmyndahátíð Sjá meira