Markalaust hjá Dýrlingunum í Ísrael

Enska úrvalsdeildarliðið Southampton gerði markalaust jafntefli við ísraelska liðið Hapoel Beer Sheva í annarri umferð riðlakeppni Evrópudeildarinnar í fótbolta en leikurinn fór fram á heimavelli Hapoel.

Heimamenn fengu gott tækifæri til að skora í seinni hálfleik en varnarmaður ísraelska liðsins skallaði boltann framhjá eftir hornspyrnu.

Þrátt fyrir jafnteflið er Southampton áfram á toppi K-riðils Evrópudeildarinnar með fjögur stig líkt og Hapoel.

Sparta Prag vann sterkan og óvæntan sigur á Inter frá Ítalíu, 3-1, í Tékklandi í kvöld en Inter er án stiga í riðlinum eftir tvær umferðir.

Hér er fylgst með öllum leikjum Evrópudeildarinnar á einum stað.