ÍLS búinn að lána fyrir 9 milljarða

Útlán Íbúðalánasjóðs á fyrstu níu mánuðum ársins námu 8,9 milljörðum króna samanborið við 4,7 milljarða fyrir sama tímabil árið 2015. Fjárhæð útlána jókst því um tæplega helming. Íbúðalánasjóður hefur þegar lánað 3 milljörðum krónum meira en heildarútlán ársins 2015, segir í tilkynningu.

Umfang útlána sjóðsins er sambærilegt við tölur ársins 2013 en þá voru útlán fyrstu níu mánaða ársins 8,7 milljarðar króna.



Íbúðum í eigu sjóðsins fækkar hratt

Íbúðir í eigu sjóðsins voru í lok september 733 talsins. Hefur þeim fækkað um 615 frá því í ársbyrjun þegar fjöldinn var 1348. Sala íbúða gengur vel og er samkvæmt áætlun. Seldar hafa verið 782 eignir og  jafnframt hafa verið samþykkt kauptilboð í 80 eignir til viðbótar. Ríflega þriðjungur eignanna sem var í eigu sjóðsins í lok september eru í almennri sölumeðferð og helmingur eða 373 eignir eru leigðar út.

Með sölu eigna gefst tækifæri til að ávaxta fjármuni betur með tilliti til fjárfestingarheimilda og styrkja með því hreinan vaxtamun sjóðsins.