Viðskipti innlent

Enn eykst flóran á Granda

Kolbeinn Tumi Daðason skrifar
Fiskislóð 49-51 úti á Granda.
Fiskislóð 49-51 úti á Granda. Skjáskot af Já.is
Ný Crossfit stöð verður opnað á Fiskislóð 49-51 á Grandagarði í janúar. Hún mun bera heitið Crossfit Grandi en greint er frá þessu á Fjölhreysti.is.

 Fjórtán Crossfit stöðvar eru reknar hér á landi og hafa þær notið töluverðra vinsælda undanfarin ár. Ekki hefur skemmt fyrir að Ísland á afreksfólk í fremsta flokki í Crossfit þar sem Annie Mist Þórisdóttir, Katrín Tanja Davíðsdóttir og Ragnheiður Sara Sigmundsdóttir hafa vakið mesta athygli auk Björgvins Guðmundssonar.

Mikil gróska hefur verið í alls kyns verslun, þjónustu og starfsemi á Granda undanfarin ár. Þar má nú til dæmis finna veitingastaði, ísbúð, bruggsmiðjur, jógastúdíó, tónlistarstúdíó, kökubúð,og kaffihús að frátöldum matvöruverslunum og höfuðstöðvum fyrirtækja á borð við CCP.

 



Mest lesið


Fleiri fréttir

Sjá meira


×

Mest lesið