Jól

Jóladagatal Hurðaskellis og Skjóðu: 19. desember

Systkinin Hurðaskellir og Skjóða ætla að föndra eitthvað skemmtilegt á hverjum einasta degi fram að jólum. 

Skjóða er að vísu með tíu tröllaputta og Hurðaskellir er algjör jólasveinn en þau hafa ótrúlega gaman að því að föndra og láta því ekki ónákvæmni eða brussugang á sig fá. Um leið og þau föndra kenna þau öðrum að gera jólaskraut, piparkökuhús, jólakort og fleira sniðugt.

Hverju haldið þið að Hurðaskellir og Skjóða hafi fundið upp á núna? Þau ætla að föndra jólastjörnu úr þvottaklemmum. Bara svona venjulegum þvottaklemmum sem maður notar til að hengja upp þvottinn á miðvikudagsmorgnum. Svona gerum við er við hengjum okkar þvott. Þetta er einfalt föndur sem flestir ættu að ráða við. Kíkið á þáttinn og skreytið húsið enn frekar fyrir jólin.

Frekari upplýsingar má finna á jolasveinar.is og á Facebook-síðu jólasveinanna.

Jólafréttir

Tengdar fréttir

Jóladagatal Hurðaskellis og Skjóðu - 14. desember

Það eru bara tíu dagar til jóla og eflaust einhverjir byrjaðir að pakka inn jólagjöfunum. Í dag ætla þau Hurðaskellir og Skjóða að kenna okkur að búa til fallega merkimiða til að setja á pakkana.

Jóladagatal Hurðaskellis og Skjóðu - 18. desember

Hurðaskellir er alveg dauðþreyttur enda er hann búinn að ferðast út um allt land í nótt til að lauma gjöfum í litla skó. Hann er því ennþá sofandi þegar Skjóða ætlar að byrja þáttinn þeirra svo hún ákveður að koma bróður sínum á óvart og elda fyrir hann morgunmat. Það eru jólapönnukökur í matinn í dag og Skjóða ætlar að kenna ykkur að baka þær. Þetta er nú aldeilis flott hjá henni.

Jóladagatal Hurðaskellis og Skjóðu - 17. desember

Það er bara vika til jóla og í dag ætla þau Hurðaskellir og Skjóða að föndra jólatré úr íspinnaspítum. Skjóða tekur að sér að háma í sig ísinn svo hægt sé að nota spíturnar. Við mælum alls ekki með því að borða svona mikinn ís í einu en það getur verið gaman að safna saman íspinnaspítum því þær er hægt að nota við alls konar föndur.

Jóladagatal Hurðaskellis og Skjóðu - 16. desember

Það er hægt að föndra úr nánast hverju sem er en það er alveg ótrúlegt að þessi flotta jólastjarna sem Hurðaskellir og Skjóða ætla að föndra í dag, sé búin til úr klóssettpappírshólkum. Núna má sko engu henda því meira að segja hólkarnir undan klósettrúllunum eru orðnir gull í föndurheiminum. Sjón er sögu ríkari, kíktu á þátt dagsins.

Jóladagatal Hurðaskellis og Skjóðu - 15. desember

Bólu, systur þeirra Hurðaskellis og Skjóðu hefur verið boðið í partý. Partý þar sem allir í veislunni eiga að vera klæddir í ljóta jólapeysu. Aumingja Bóla á ekkert til að fara í svo Hurðaskellir og Skjóða ákveða að föndra bara fyrir hana alveg ótrúlega ljóta og hallærislega jólapeysu. Hvernig ætli það gangi?

Mest lesið




×

Mest lesið