Ógeðslega mikilvægt Berglind Pétursdóttir skrifar 19. desember 2016 00:00 Desember er undarlegur mánuður. Mér finnst ég annaðhvort vera kófsveitt í Kringlunni eða jólabjórablindfull með hneppt frá á jólaskemmtun. Ætli þetta sé þó ekki í ágætis jafnvægi, ef ég væri ekki að svitna þessum lítrum í Kringlunni væri ég eflaust komin með mikinn bjúg af öllum söltuðu réttunum sem ég er að maula á þessum hlaðborðum. Desember er líka góður tími til að æfa sig í þolinmæði. Þegar ég stend í röð á pósthúsinu og það eru 40 manns á undan mér leiði ég jafnan hugann að Jesúbarninu og hvað það væri nú ánægt með mig að vera ekki pirruð í röðinni. Maður þarf nefnilega sjaldan að anda jafn djúpt og í desember. Ég hef til dæmis andað svo djúpt í leikfangadeildum borgarinnar nýlega að ég hélt að lungun ætluðu út um brjóstkassann á mér. Af hverju kosta Legókubbar svona mikið? Skiptir ekki máli. Ég ætla að taka Visareikningnum með svo miklu æðruleysi í janúar að annað eins hefur aldrei sést á plánetunni jörð. Þessi pistill hættir núna snarlega að fjalla um ofneyslu mína og hugsunarlausa þátttöku í þessu kapítalíska jólaævintýri. Ég ætla að nýta mér aðstöðu mína hér á þessari baksíðu til þess að biðja ykkur að smella ykkur inn á sannargjafir.is og klára að kaupa jólagjafirnar. Það er fátt jólalegra en að gefa hlýtt teppi, vatnshreinsitöflur, lyf, námsgögn eða neyðartjald til fólks sem á engan séns á að eiga svona rugluð jól eins og við erum að stressa okkur á. Þúsundkall sem hefði annars farið í risastóran jólabjór eftir ömurlega verslunarferð þar sem var ekkert bílastæði. Svo þegar við erum öll búin að þessu öndum við djúpt og förum beint að öskra á næstu afgreiðslustúlku. Öskra á hana að við séum þakklát fyrir framlag hennar. Gleðileg jól og takk. Þessi grein birtist fyrst í Fréttablaðinu. Viltu birta grein á Vísi? Sendu okkur póst. Senda grein Berglind Pétursdóttir Mest lesið Halldór 4.10.2025 Halldór Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun Barnafjölskyldur í Reykjavík eiga betra skilið Þorbjörg Sigríður Gunnlaugsdóttir Skoðun Kæra Epli, skilur þú mig? Lilja Dögg Jónsdóttir Skoðun Þorgerður og erlendu dómstólarnir Hjörtur J. Guðmundsson Skoðun Lyftum umræðunni á örlítið hærra plan Jóna Hlíf Halldórsdóttir Skoðun Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun Transumræðan og ruglið um fjölda kynja Einar Steingrímsson Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun
Desember er undarlegur mánuður. Mér finnst ég annaðhvort vera kófsveitt í Kringlunni eða jólabjórablindfull með hneppt frá á jólaskemmtun. Ætli þetta sé þó ekki í ágætis jafnvægi, ef ég væri ekki að svitna þessum lítrum í Kringlunni væri ég eflaust komin með mikinn bjúg af öllum söltuðu réttunum sem ég er að maula á þessum hlaðborðum. Desember er líka góður tími til að æfa sig í þolinmæði. Þegar ég stend í röð á pósthúsinu og það eru 40 manns á undan mér leiði ég jafnan hugann að Jesúbarninu og hvað það væri nú ánægt með mig að vera ekki pirruð í röðinni. Maður þarf nefnilega sjaldan að anda jafn djúpt og í desember. Ég hef til dæmis andað svo djúpt í leikfangadeildum borgarinnar nýlega að ég hélt að lungun ætluðu út um brjóstkassann á mér. Af hverju kosta Legókubbar svona mikið? Skiptir ekki máli. Ég ætla að taka Visareikningnum með svo miklu æðruleysi í janúar að annað eins hefur aldrei sést á plánetunni jörð. Þessi pistill hættir núna snarlega að fjalla um ofneyslu mína og hugsunarlausa þátttöku í þessu kapítalíska jólaævintýri. Ég ætla að nýta mér aðstöðu mína hér á þessari baksíðu til þess að biðja ykkur að smella ykkur inn á sannargjafir.is og klára að kaupa jólagjafirnar. Það er fátt jólalegra en að gefa hlýtt teppi, vatnshreinsitöflur, lyf, námsgögn eða neyðartjald til fólks sem á engan séns á að eiga svona rugluð jól eins og við erum að stressa okkur á. Þúsundkall sem hefði annars farið í risastóran jólabjór eftir ömurlega verslunarferð þar sem var ekkert bílastæði. Svo þegar við erum öll búin að þessu öndum við djúpt og förum beint að öskra á næstu afgreiðslustúlku. Öskra á hana að við séum þakklát fyrir framlag hennar. Gleðileg jól og takk. Þessi grein birtist fyrst í Fréttablaðinu.
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun