Guðni og fjölskylda búin að velja jólatré

Guðni Th. Jóhannesson, forseti Íslands, er augljóslega kominn í jólagírinn en hann mætti í gær ásamt fjölskyldu sinni til Flugbjörgunarsveitarinnar Reykjavík og valdi sér jólatré.

„Forseti Íslands og fjölskylda heiðruðu okkur í dag, renndu við og keyptu ofurfallegt jólatré til stuðnings Flugbjörgunarsveitinni. Enda sagði Guðni þau hafa gert það á hverjum jólum í nokkur ár! Kærar þakkir fyrir stuðninginn,“ segir í Facebook-færslu á síðu Flugbjörgunarsveitarinnar.