Vonast til að hafa skíðasvæðið opið um hátíðarnar

Stefnt er á að skíðasvæðið í Bláfjöllum verði opið millji jóla á nýárs. „Það er loksins kominn snjór sem virðist ætla að halda,“ segir í færslu á heimasíðu skíðasvæðanna.

Snjór féll á höfuðborgarsvæðinu í nótt og stefnir allt í að jólin verði hvít í ár þrátt fyrir mikil hlýindi síðustu vikur.

Þar segir að starfsfólk sé að undirbúa svæðið á fullu og að stefnt sé að opnun í næstu viku. Starfsfólk er bjartsýnt á að fá það snjómagn sem þarf til að geta opnað.

Fólk er hvatt til að fylgjast vel með gangi mála á heimasíðu skíðasvæðanna, en almennur opnunartími um hátíðarnar er þessi:

Annar dagur jóla, opið 11-16

27.-30. desember er opið kl. 14-21

Gamlársdagur LOKAÐ

Nýársdagur Opið kl. 12-16.