Lykla-Pétur í eigin saur í þýskum skógi

„Ég hef skriðið um þýskan skóg um hánótt í svartamyrkri.“ Svona byrjar óborganlega saga sem Pétur Jóhann Sigfússon sagði í þættinum Satt eða Logið á Stöð 2 í gærkvöldi.

Þar lýsti hann því þegar hann varð að fara á klósettið inni í miðjum skógi nálægt Stuttgart.

„Ég var að skríða um þennan þýska skóg til þess að reyna finna lykla. Lyklar sem ég missti í skóginum, lyklar af íbúðinni.“

Sagan verður enn skrítnari þegar Pétur segir frá því á hvaða augnabliki hann týndi lyklunum.

„Ég var í garðpartýi við hús sem hafði bara eitt baðherbergi. Ég hafði borðað steik fyrr um kvöldið og þurfti að létta á mér. Ég þurfti að skíta inni í skóginum. Ég heyrði þá detta úr vasanum og skreið á eftir þeim.“

Hann bætir við að hann hafi á endanum fundið lyklana. 

„Maður var þá orðinn útataður í eigin saur.“

Hér að neðan má sjá myndband af þessari sögu.