Baráttusaga fólks sem á við ofurefli að etja

Heimildamyndin LÍNUDANS eftir Ólaf Rögnvaldsson verður frumsýnd á Stockfish kvikmyndahátíðinni í kvöld kl. 18.00.

Myndin lýsir tæplega fimm ára baráttu bænda, landeigenda og náttúruverndarsamtaka gegn lagningu Blöndulínu 3, sem Landsnet hyggst leggja frá Blönduvirkjun til Akureyrar, um Vatnsskarð, Skagafjörð, Öxnadalsheiði og Hörgárdal.

Háspennulínur hafa lengi þótt sjálfsagður fylgifiskur nútímans. En svo er ekki lengur. Heimildarmyndin LÍNUDANS fjallar um baráttu bænda og landeigenda gegn lagningu Blöndulínu 3 til Akureyrar, m.a. um Skagafjörð.

LÍNUDANS er baráttusaga fólks sem á við ofurefli að etja. Bóndinn birtist í dramatísku hlutverki - í eldlínu átaka sem enginn sér fyrir endann á.