Bréf Nýherja halda áfram að hækka

Hlutabréf í upplýsingatæknifyrirtækinu Nýherja hækkuðu um 3,7 prósent í dag. Þau hafa því farið upp um 26 prósent frá síðustu mánaðamótum eða síðan fyrirtækið birti uppgjör sitt fyrir 2016.

Bréf Marel hf. hækkuðu um 1,1 prósent í Kauphöllinni í dag og verslunarfyrirtækisins Haga um 0,9 prósent. Hlutir í Högum hafa aftur á móti lækkað í verði um sjö prósent á síðustu tíu dögum. Sjávarútvegsfyrirtækið HB Grandi lækkaði um 3,6 prósent. Fasteignafélagið Reitir og olíufélögin N1 og Skeljungur fóru öll niður um rúmt eitt prósent. Þá lækkaði Icelandair Group um 0,9 prósent og hafa bréf flugfélagsins því fallið um 26 prósent frá mánaðamótum.