Sjáðu það helsta úr bardaga Sunnu

Sunna „Tsunami“ Davíðsdóttir vann sinn annan atvinnumannabardaga í gær er hún hafði betur gegn Mallory Martin í frábærum bardaga.

Bardaginn fór allar þrjár loturnar og stúlkurnar gáfu allt sem þær áttu. Sýndu mikla hörku og risastórt hjarta.

Allir dómarar voru þó sammála um að Sunna hefði unnið bardagann gegn Martin sem var grjóthörð.

Hér að ofan má sjá svipmyndir af því helsta úr bardaganum sem var valinn bardagi kvöldsins á þessu kvöldi hjá Invicta-bardagasambandinu.

Þetta var annar atvinnumannabardagi Sunnu og hún hefur unnið báða sína bardaga.