Fær meira áhorf eftir ásakanir um kynferðislega áreitni

Ásakanir um að hafa áreitt samstarfsmenn kynferðislega og fréttir um að hafa greitt viðkomandi samstarfsmönnum til að greina ekki frá áreitninni hafa ekki haft áhrif á áhorf á þátt bandaríska fréttamannsins Bill O'Reilly, The O'Reilly Factor. Fjölmiðlar vestanhafs hafa sagt fréttir af athæfi O'Reilly undanfarið.

Washington Post greindi hins vegar frá því að 3,7 milljónir hafi horft á þátt hans síðastliðinn mánudag og 3,8 milljónir á þriðjudagsþáttinn. Vikuna áður, það er áður en fréttir af áreitni birtust, horfðu 2,3 milljónir á þann þátt vikunnar sem fékk mest áhorf.