Justin Trudeau tók son sinn með sér í vinnuna

Justin Trudeau, forsætisráðherra Kanada, skellti sér í vinnuna um daginn og tók þriggja ára gamlan son sinn með sér.

Litli Hadrien Trudeau fékk að koma með pabba sínum í vinnuna sem tók hann til að mynda með sér á þingfund og á blaðamannafund, þar sem blaðamenn spurðu forsætisráðherrann spjörunum úr en heilluðust af syni hans.

Trudeau birti myndaalbúm af heimsókn sonar síns á Facebook síðunni sinni og vakti uppátækið mikla athygli.

Trudeau er gífurlega vinsæll í heimalandinu og hefur vakið athygli fyrir frjálslynda stefnu í innflytjendamálum og réttindamálum minnihlutahópa.

Þrátt fyrir annasaman dag stöðvaði það ekki Trudeau í að fara í feluleik með syni sínum eins og má sjá á myndum hér fyrir neðan.