Stephen Colbert gerir stólpagrín að ákvörðun Trump

Spjallþáttastjórnandinn Stephen Colbert hefur farið hamförum að undanförnu vegna fregna af ákvörðunum Donald Trump í forsetaembættinu.

Colbert er raunar búinn að skáka Jimmy Fallon sem vinsælasti spjallþáttastjórnandi Bandaríkjanna og hefur þáttur hans mælst vinsælastur allt frá því í janúar, þegar Trump tók við embætti. Rekja margir það til flugbeittra brandara Colbert um Trump.

Nú síðast gerði Colbert stólpagrín að Trump fyrir ákvörðun hans um að reka forstjóra alríkislögreglunnar FBI, James Comey. 

Þá gerði hann einnig grín að Sean Spicer, talsmanni Hvíta hússins, sem sagður er hafa falið sig á milli runna til þess að forðast spurningar blaðamanna um málið.