Flúði árásina í London með bjór í hendi

Mynd af ungum manni sem flúði árás hryðjuverkamanna í miðbæ London á laugardagskvöld hefur vakið mikla athygli á netinu og þykir sýna staðfestu Lundunarbúa. Myndin sýnir manninn flýja vettvang nálægt London Bridge með bjórglas í hönd.

Þrír menn keyrðu á hóp gangandi vegfarenda á laugardagskvöld á London Bridge þaðan sem þeir fóru svo á milli veitingastaða í Borough Market þar sem þeir réðust á veitingahúsagesti en sjö manns létu lífið í árásinni.

Umrædd mynd birtist á Twitter á laugardagskvöld og vakti gífurlega athygli og hefur myndin þegar þetta er skrifað verið deilt 35 þúsund sinnum.

Þykir flestum myndin vera táknræn fyrir staðfestu og hugrekki Lundúnarbúa sem sýni fram á að þrátt fyrir að slík voðaverk séu framkvæmd í borginni að þá haldi lífið áfram sinn vanagang.

People fleeing #LondonBridge but the bloke on the right isn't spilling a drop. God Bless the Brits! pic.twitter.com/ceeaH0XxeX

— Howard Mannella (@hmannella) June 3, 2017

If beer is left behind, the terrorists win. #NeverSurrender— Blonde Badger (@thismfsmh) June 4, 2017