Kosning: Hver skoraði flottasta markið í Pepsi-deild kvenna í maí?

Hér að neðan geta allir lesendur Vísis tekið þátt í kosningu um flottasta mark maímánaðar í Pepsi-deild kvenna.

Þrjú mörk berjast um sigurlaunin en þar af eru tvö mörk frá leikmönnum Breiðabliks og eitt frá KR-ingi.

Svava Rós Guðmundsdóttir skoraði glæsilegt mark í 3-0 sigri Breiðabliks gegn Val 10. maí og það er eitt markanna sem kemur til greina.

Samherji hennar, Fanndís Friðriksdóttir, skoraði fallegt mark á móti Haukum með skoti í stöngina og inn 19. maí og Ásdís Karen Halldórsdóttir, leikmaður KR, skoraði gull af marki fyrir KR á móti FH 15. maí.

Sigurvegarinn verður tilkynntur í Pepsi-mörkum kvenna á miðvikudaginn en í kvöld fer fram heil umferð í deildinni.

Kjóstu flottasta markið hér að neðan en þau má öll sjá hér að ofan.