Glamour

Kim Kardashian fetar nýjar slóðir

Ritstjórn skrifar
Glamour/Getty
Eins og margir vita þá hefur Kim Kardashian West gefið út sína aðra vöru í snyrtivörulínunni KKW Beauty. Fyrst var það varalitalínan sem hún gerði í samstarfi við systur sína Kylie, en nú er það skyggingarpalletta.

 

Margir tengja Kardashian-systurnar við hið mikla skyggingaræði (eða ,,contour") sem heltók heiminn og því á það vel við að Kim gefi út sína eigin útgáfu. Frú West hefur farið óvenjulegar leiðir í markaðssetningu vörunnar og nýtt sér styrk helstu Youtube-stjarnanna. Desi Perkins, Jaclyn Hill og Patrick Starr voru meðal þeirra sem fengu hana í heimsókn þar sem þau prófuðu nýju vöruna. Youtube-stjörnunum fannst greinilega ekki leiðinlegt að fá Kim í heimsókn og skín af þeim gleðin í myndböndunum.

Áhugvert er að heyra að í allra fyrsta Youtube-myndbandi Jaclyn Hill, sem nú er með 4,4 milljón fylgjendur, fjallaði hún um förðun Kim Kardashian.

Hér má sjá skyggingardrottninguna sýna hvernig á að gera þetta!

 

 



Mest lesið




×

Mest lesið