Sjáðu bardagann geggjaða sem kom Conor í UFC

Á gamlársdegi árið 2012 varð ungur Íri að nafni Conor McGregor fyrstur til þess að vera handhafi tveggja belti hjá Cage Warriors bardagasambandinu.

Fyrst varð hann fjaðurvigtarmeistari og aðeins nokkrum mánuðum síðar varð hann léttvigtarmeistari sambandsins. Hann endurtók þennan leik svo hjá UFC. Sá fyrsti til þess að vera handhafi tveggja belta hjá báðum samböndum. Sérstakt eins og allt hjá Íranum.

Er Conor rotaði Ivan Buchinger var leiðin greið fyrir hann í UFC og Haraldur Dean Nelson sá um að gera fyrsta samning Conors við UFC.

Sjá má bardaga Conors og Buchinger hér að neðan. Hann er geggjaður.

Conor og Mayweather berjast næstakomandi laugardag en bardaginn verður í beinni á Stöð 2 Sport. Hægt er að kaupa áskrift á 365.is.